ഹൃദയരാഗം 21 [Achu Siva] 855

വാസുകിയുടെ ഭാഗത്തു നിന്നും യാതൊരു പ്രതികരണവും ഇല്ല ….

” വാസുകി…….”……അയാൾ കുറച്ചു കലിപ്പോടെ നല്ല ശബ്ദത്തിൽ വിളിച്ചു ….

ഉറക്കത്തിൽ നിന്നു ഞെട്ടി ഉണർന്ന പോലെ അവൾ പകപ്പോടെ അയാളെ നോക്കി ….

” എന്താ …?……എന്താ വിനയേട്ടാ ? “…..

” നീ എന്തിനാ ചിരിച്ചത് ? “……

” ഏ?….ചിരിച്ചെന്നോ …..ഞാനോ ?…..എപ്പോ ?….വിനയേട്ടന് തോന്നിയതാവും “…..

” അങ്ങനെ തോന്നാൻ നിന്നെ പോലെ ഞാൻ ഒരു സ്വപ്ന ജീവി അല്ല….തലയ്ക്കാണ് കുഴപ്പം എന്നറിയാം…..ഇപ്പോൾ ഉറപ്പായി ….ഇത് അത് തന്നെ …ഞാൻ പണ്ടേ പറഞ്ഞില്ലേ “….

” അത്….അത് ഞാൻ ക്ഷീണം കൊണ്ടു ഒന്നു കണ്ണടഞ്ഞു പോയി ….അപ്പൊ വല്ല സ്വപ്നവും കണ്ട് അറിയാതെ ചിരി വന്നതായിരിക്കും “….

അവൾ വിക്കി വിക്കി പറഞ്ഞൊപ്പിച്ചു ..

ഞാൻ തന്നെ ഇത് കലക്കും……അവൾ മനസ്സിലോർത്തു …

” എന്നിട്ട് ഞാൻ നോക്കുമ്പോ നീ കണ്ണ് തുറന്നിരുന്നു ചിരിക്കുന്നതാണല്ലോ കണ്ടത് ? “…..

” എന്റെ പൊന്നു വിനയേട്ടാ….നിങ്ങളിങ്ങനെ കണ്ണിൽ ചോരയില്ലാതെ സംസാരിക്കരുത് ….ഒന്നുമില്ലെങ്കിലും ഞാൻ ഒരു വയ്യാത്ത കുട്ടി അല്ലേ ….തലവേദന എങ്ങനുണ്ട് ? …ഇപ്പോ കുറവുണ്ടോ ?….എന്തെങ്കിലും കഴിക്കാൻ വേണോ ?….. ഇതൊക്കെ അല്ലേ ഇപ്പോ ചോദിക്കേണ്ടത് …അല്ലാതെ ഒരു മാതിരി “…..

അവള്‍ അല്‍പ്പം കെറുവോടെ പറഞ്ഞു….