അപരാജിതന്‍ 19 [Harshan] 11394

അപ്പു തന്‍റെ അമ്മമ്മയെ വിളിച്ചു , അവന്‍റെ ഭദ്രാമ്മയെ

കുറെ നേരത്തെ കുശല അന്വേഷണങ്ങൾക്ക് ശേഷം അവൻ താൻ ഇപ്പോ നേരിടുന്ന മറ്റൊരു പ്രശനവും അതിനെ   പരിഹരിക്കാൻ  ഒരു മാർഗ്ഗവും ചോദിച്ചു

 

“ഭദ്രാമ്മയ്ക്കു നല്ല പോലെ വായന ഉള്ളതല്ലേ , മലയാളവും സംസ്കൃതവും അത്യവശ്യത്തിനു തമിഴും ഒക്കെ അറിയാമല്ലോ ,,പെട്ടെന്നാ എനിക്ക് ഭദ്രാമ്മയുടെ മുഖം  മനസിലേക്ക് വന്നത് ,,സായിഅപ്പൂപ്പൻ കാണിച്ചതായിരിക്കും ,,എന്നെ ഒന്ന് സഹായിക്ക് ഭദ്രമ്മെ ”

 

“മോൻ ആ എഴുതി വെച്ചത് ഒന്ന് വായിച്ചു കേൾപ്പിച്ചെ ”

 

അപ്പു എഴുതിയതു എല്ലാം മെല്ലെ മെല്ലെ വായിച്ചു കേൾപ്പിച്ചു , ഇടയ്ക്ക് അവന്‍റെ നാവും വാക്കുകൾ തെറ്റിച്ചു കൊണ്ടിരുന്നു

 

അവനെ കൊണ്ട് പല വട്ടം ഭദ്രാമ്മ അത് പറയിപ്പിച്ചു

 

പിന്നെ കുറച്ചു നേരം ഭദ്രമ്മ മിണ്ടാതെ ഇരുന്നു

“മോനെ ,,,”

“എന്താ ഭദ്രമ്മെ ?”

“നീ ഇപ്പൊ വായിച്ചത് ഒറ്റക്കെട്ടിൽ എഴുതിയതാണ് അതായത് അനവധി വാക്കുകൾ പിരിച്ചു കയറ്റി ഒറ്റവരിയായി എഴുതിയിരിക്കുന്നത് ..ശ്രദ്ധിച്ചു നോക്കിക്കേ ,,ഇടയ്ക്കു വാക്കു മുറിയുന്നുണ്ടോ ”

 

“ഇല്ല ഭദ്രമ്മെ ,,,ഒറ്റ വരി തന്നെയാ ”

 

“അപ്പു ,,,അതുപോലെ ഇതിലെ സന്ധികൾ ഒരുപാട് ഉണ്ട് ,, മലയാളം തമിഴ് സംസ്കൃതം ഒക്കെ ഉണ്ട് ,, അപ്പു ഒരു കാര്യം ചെയ്തേ ,,അതിനെ ഒരു നാലാക്കി പിരിച്ചു പറഞ്ഞെ ”

 

“നോക്കട്ടെ ഭദ്രമ്മെ ,,,”

 

അപ്പു അത് നാലാക്കി പിരിച്ചു പറഞ്ഞു കൊടുത്തു

 

അവൻ പറഞ്ഞപ്പോൾ ഉള്ള തെറ്റുകൾ ഭദ്രമ്മ അവനു തിരുത്തി കൊടുത്തു

 

“അപ്പു നാലാക്കി പിരിച്ചിട്ടു കാര്യമില്ല നമുക് ഓരോ വാക്കുകളെയും ആ ഇഴയിൽ നിന്നും പിരിക്കണം ,,,എങ്കിലേ രക്ഷയുള്ളൂ ,,,”

 

“അതെങ്ങനെയാ ഭദ്രമ്മെ ,,, ”

 

ഭദ്രാമ്മ അവനു അടിസ്ഥാന വ്യാകരണ നിയമങ്ങൾ പറഞ്ഞു കൊടുത്തു , എന്നിട്ടു അതിനനുസരിച്ചു വാക്കുകളെ പിരിക്കാൻ പറഞ്ഞു

 

“അയ്യോ ഭദ്രമ്മെ ,,പോല്ലേ ,,,ഞാൻ ഇതൊന്നു പിരിച്ചോട്ടെ ,,”

“ഞാൻ എങ്ങും പോകുന്നില്ല അപ്പു ,,,ഞാൻ ഫോൺ സ്പീക്കറിൽ ഇടാം ,,അപ്പുവും സ്പീക്കറിൽ ഇട്ടോ ,,ഞാൻ ഒരു പേനയും പേപ്പറും എടുക്കട്ടേ ട്ടോ ”

 

അങ്ങനെ ഭദ്രാമ്മയും അപ്പുവും കൂടെ ഏറെ നേരം പരിശ്രമിച്ചു വാക്കുകളുടെ ഇഴ പിരിക്കാൻ തുടങ്ങി

കതിരോന്തന്തനയന്തന്തിക്കയില്‍ക്കതിരോന്തമ്പകുതി

കരിയിങ്കാരണമാമവളൊഴുകുങ്കരതാമ്പതിന്നാലു൦

ഈരടിക്കളന്തോന്തങ്കാന്തയൊഴുകുങ്കരയാ൦

പൂതമൊന്നില്‍തുമ്പമായാണ്ടയിനൂറുങ്കാലമായ്

വസിപ്പവർവാഴുമിടന്താനുന്നിരട്ടത്തിന്നാരമ്പം. 

 

വീണ്ടും  ശ്രമകരമായ ദൗത്യത്തിന് ശേഷം ഇരുവരും കൂടെ വാക്കുകൾ പിരിച്ചു , അപ്പോഴേക്കും മൂന്നു മണിയോട് അടുത്തിരുന്നു

എല്ലാം കഴിഞ്ഞു അപ്പു വായിച്ചു കേൾപ്പിച്ചു

 

കതിരോൻ തൻ തനയൻ തൻ തിക്കയിൽ

കതിരോൻ തൻ പകുതി

കരിയിൻ കാരണമാം അവൾ ഒഴുകും കര താൻ

പതിനാലും ഈരടിക്ക് അളന്തോ൯ തൻ കാന്ത ഒഴുകും

കരയാം പൂതം ഒന്നിൽ തുമ്പമായ്

ആണ്ട് അയിനൂറും കാലമായ്

വസിപ്പവർ വാഴും ഇടം താൻ  ഉൻ   ഇരട്ടത്തിൻ ആരമ്പം

 

ശരിയല്ലെ ഭദ്രമ്മെ ,,,”

“അതെ മോനെ ,,,ഇപ്പോ കുറച്ചൂടെ എളുപ്പം ആയില്ലേ

“ഇനി നമുക് ഇതിന്‍റെ അര്‍ത്ഥം നോക്കാം അപ്പു ”

“ആ ഭദ്രമ്മേ ,,,”

“ഒന്നാമത്തെ വരി വായിച്ചെ അപ്പു ”

കതിരോൻ തൻ തനയൻ തൻ തിക്കയിൽ

 

“എന്താ അപ്പുവിന് മനസിലായത് ?”

“കതിരോന്‍ എന്നാല്‍ സൂര്യന്‍ തനയന്‍ എന്നാല്‍ മക൯ ഈ തിക്കയില്‍ എന്താ ഭദ്രമ്മേ ?

“മോനേ തമിഴില്‍ അത് ദിക്ക് ആണ് ,,,”

“ആണോ ,,,,അപ്പൊ ഞാൻ പറയാം

 

“സൂര്യന്‍റെ മകന്‍റെ ദിക്കിൽ ,,ശരിയല്ലെ ,,ഭദ്രമ്മെ ,,”

“അതെ ,,, സൂര്യന്‍റെ മകൻ ആരാ ,,,അപ്പു ?

“അതിപ്പോ ശനി ഉണ്ട് ,, കർണ്ണൻ ഉണ്ട് , മനു ഉണ്ട് , സുഗ്രീവൻ ഉണ്ട് ,,ഇത്രയേ എനിക്കറിയൂ ഭദ്രമ്മെ ”

“അറിയപ്പെടുന്ന ഒരാൾ കൂടെ ഉണ്ട് അപ്പു ”

“അതാരാ ,,,?”

“കാല൯ അഥവാ യമൻ ,,,അപ്പൊ ഒന്ന് കൂട്ടി വായിച്ചു നോക്കിക്കേ ,,സൂര്യന്‍റെ മകന്‍റെ ദിക്ക് ,,, അതായതു യമന്‍റെ ദിക്ക് ,,,,അത് തെക്കുഭാഗം അല്ലെ ,,,,”

 

“ആ അതെ ,,അതെ ഭദ്രമ്മെ ,,,അപ്പൊ തെക്കു ഭാഗത്തു എവിടെയോ ”

 

“ഇനി രണ്ടാമത്തെ വരി വായിച്ചെ ,,,”

 

“കതിരോൻ തൻ പകുതി,,അതായതു സൂര്യന്‍റെ പകുതി ,,,അതിപ്പോ എന്താ ”

“അപ്പു ,,പുരുഷന്‍റെ പകുതി പെണ്ണല്ലേ ,,അതായതു ഭാര്യ ,,അപ്പൊ സൂര്യന്‍റെ ഭാര്യ ,, ”

“സൂര്യന്‍റെ ഭാര്യ എന്ന് പറയുമ്പോ ,,, സജ്ഞ ഉണ്ട് ഛായ ഉണ്ട് ,,,അല്ലെ ഭദ്രമ്മെ ”

“അതെ ശരിയാണ് ”

 

“അപ്പൊ ഭദ്രമ്മെ തെക്ക് ,,,ഛായ ”

ഇനി മൂന്നാമത്തെ വാരി വായിച്ചെ അപ്പൂ ”

 

“കരിയിൻ കാരണമാം അവൾ ഒഴുകും കര താൻ”  അപ്പു ചൊല്ലി

 

“അപ്പു , അപ്പോള്‍ നേരത്തെ എടുത്ത ആ വഴി തെറ്റുണ്ട് ,,സൂര്യന്‍റെ ഭാര്യയായ സജ്ഞയോ ഛായയോ അല്ല ,,ഇവിടെ  ഉദ്ദേശിച്ചിരിക്കുന്നത്  ,,,രണ്ടും മൂന്നും കൂടെ ഒരുമിച്ചു ചൊല്ലിക്കേ ”

 

“കതിരോൻ തൻ പകുതി കരിയിൻ കാരണമാം അവൾ ഒഴുകും കര താൻ” അപ്പു ചൊല്ലി

 

“മോനെ ,,,ആ സൂര്യൻ അല്ല ഇവിടെ , “

 

“സൂര്യനല്ലെങ്കിൽ പിന്നെ ,,, ?” അപ്പു ചോദിച്ചു

Pages 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73