അപരാജിതന്‍ 19 [Harshan] 11390

 

“ഇത് രാവണനല്ലേ ,,ഗുരുനാഥാ ,,,,ഇത് കൈലാസം എടുത്തിയർത്തുന്ന  കൊത്തുപണി അല്ലെ ,,,”

 

“അതെ,,, അഹംകാരത്താൽ കൈലാസത്തെ എടുത്തുയർത്തിയ രാവണൻ,,ഒടുവില്‍ മഹാദേവന്‍ കൈലാസ൦ കാല്‍ പെരുവിരല്‍ അമര്‍ത്തി രാവണനെ അതിനുള്ളില്‍പ്പെടുത്തി ,,ഒടുവില്‍ ആയിരം വർഷം മഹാദേവനെ ഭജിച്ചു പൂജിച്ചു അനുഗ്രഹം നേടി,, രാവണന്‍റെ ദർപ്പം അടക്കിയ ചിത്രമാണ് അത് ”

 

“അപ്പോൾ രാവണൻ ആണോ ,,ഇവിടെ വന്നു മഹാദേവനെ  പ്രതിഷ്ഠിച്ചതും പൂജിച്ചതും ??” ആകാംഷയുടെ ഹിമവൽശൃംഗത്തിൽ നിന്ന് കൊണ്ട് ആദി ചോദിച്ചു

 

“അതെ ,,,, ”

 

“ആദിക്ക് പിന്നെ ഒരു ചോദ്യവും ഉണ്ടായിരുന്നില്ല ,,,”

അവൻ ആ സ്ഫടികലിംഗത്തിനു സമീപം ചെന്ന് നിന്നു

ശിവഭക്തനായ രാവണൻ പ്രതിഷ്ഠിച്ചു പൂജ ചെയ്ത ശിവലിംഗം

അവൻ അതിനു മുന്നിൽ ഇരുന്നു

 

ഏറെ നേരം കഴിഞ്ഞപ്പോൾ  സൂര്യോദയം ആയി

അഞ്ചു പാളികളിലൂടെ ഉദയസൂര്യ കിരണങ്ങൾ ആ കുംഭഗോപുരത്തിനുള്ളിലേക് കടന്നു

 

“ശങ്കരാ ,,,,നമുക് ശുദ്ധമായി വരാം ,,” പുലിവേൽനായകം അവനോടു പറഞ്ഞു

അവൻ എഴുന്നേറ്റു

 

“ഗുരുനാഥ ,,,ഇനിയും ഈ തുരങ്കത്തിലൂടെ പോകണ്ടേ ?”

അദ്ദേഹം ചിരിച്ചു

എന്നിട്ടു അവനെയും കൂടി ആ കൊത്തുപണി ചെയ്ത രൂപത്തിന് സമീപ൦ ചെന്ന്

അതിൽ അമർത്തി

അതോടെ ഒരു പാളിയായി അത് താഴേക്കമ൪ന്നു പോയി

അതൊരു തുരങ്ക വഴിയായി

ഇരുവരും മുട്ടിൽ ഇഴഞ്ഞു കൊണ്ട് നടന്നു

ഒരു അഞ്ചു മിനിറ്റു കൊണ്ട് സൂര്യപ്രകാശവും കിളികളുടെ ശബ്ദവും എല്ലാം കേട്ടു

അവർ പുറത്തേക്കിറങ്ങി

 

ആദി ചുറ്റും നോക്കി

വലിയ പാറകെട്ടുകൾ

അരുവി ആ പ്രദേശമാകെ കൂവളമരങ്ങൾ

അവർ ശരീരം ശുദ്ധമാക്കി ആ അരുവിയിൽ കുളിച്ചു

 

ആദിയ്ക്ക് വിശക്കുന്നുണ്ടായിരുന്നു

 

ഗുരുനാഥൻ പറഞ്ഞത് അനുസരിച്ചു ആദി പഴുത്ത കായകൾ ഉണ്ടായി കിടക്കുന്ന ഒരു കൂവള മരത്തിൽ കയറി കായകൾ പൊട്ടിച്ചു താഴേക്ക് ഇട്ടു

 

എന്നിട്ടു മരത്തിൽ നിന്നും ഇറങ്ങി

 

അവർ കട്ടിയുള്ള പുറം തോടുള്ള കൂവള കായ പാറക്കല്ലിൽ തട്ടി പുറംതോട് പൊട്ടിച്ചു അടർത്തി മാറ്റി

അതിൽ മഞ്ഞനിറത്തിൽ ഉള്ള മാംസളമായ ഭാഗം പുറത്തേക്കു എടുത്തു

 

“ഇനിയുള്ള മൂന്ന് ദിവസവും നമുക് ഇതായിരിക്കും ഭക്ഷണം ”

 

ആദിയ്ക്കു അതൊരു പുതിയ അനുഭവം ആയിരുന്നു

കാരണം അവൻ ആദ്യമായി ആണ് കൂവളത്തിന്‍റെ വലിയ കായ കാണുന്നത്

 

അവൻ വിശപ്പുള്ളതിനാൽ രണ്ടു കായയുടെ മാംസളഭാഗം കഴിച്ചു വിശപ്പടക്കി

 

കുറെ നേരമവിടെ ചിലവഴിച്ചു

 

“ഗുരുനാഥ ,,,,,,,,,,”

പുലിവേൽ നായക൦ ആദിയെ നോക്കി

“ശൈവിക് ബ്രാഹ്മി അറിയുന്ന ആൾ ഗുരുനാഥനല്ലേ ,,അതൊന്നു എനിക്ക് പറഞ്ഞു തരാമോ ,,,”

അദ്ദേഹം ചിരിക്കുക മാത്രം ചെയ്തു

ആദിയ്ക്കു ഉറപ്പായിരുന്നു അദ്ദേഹം തീർച്ചയായും അവനെ സഹായിക്കുമെന്ന്

 

“ഗുരുനാഥാ ,,, ”

“ഗുരുനാഥൻ എങ്ങനെയാ ലങ്കയിൽ നിന്നും ഇവിടെ വന്നത് ?”

“കടലിലൂടെ ”

“നീന്തിയോ ?”

“അതെ ,,,”

 

“ആ ,,,ജലതത്വത്തെ നിയന്ത്രിക്കുന്ന ഗുരുനാഥന് ഇതൊക്കെ സാധിക്കും ,,എനിക്കും പഞ്ചഭൂതങ്ങളെ നിയന്ത്രിക്കുന്ന ആ ഒരു തലത്തിലേക്ക് ഉയരാൻ പറ്റുമോ ഗുരുനാഥാ ?”

 

“ശങ്കരാ ,,,,സാധിക്കുമോ എന്ന് ചോദിച്ചാൽ സാധിക്കും ,,അതിനു ഒരുപാട് കാലങ്ങൾ വേണ്ടി വരും ,, ഇപ്പോൾ അതിനെ കുറിച്ചൊന്നും  ആലോചിക്ക വേണ്ട ,,”

 

“ഗുരുനാഥ ,,,,ഒരു കാര്യം ചോദിച്ചോട്ടെ ”

 

“ചോദിക്കൂ ”

 

“ഗുരുനാഥാ,,,, എനിക്കൊരു കാര്യം മനസിലായത് ,, എനിക്ക് ഒരുപാട് പേരെ നേരിടേണ്ടി വരും എന്നാണു ,, അതുകൊണ്ടല്ലേ എന്നെ ഈ ആയോധനകലകൾ ഒക്കെ പഠിപ്പിക്കുന്നത് ,,ആരെയാണ് ഞാൻ നേരിടേണ്ടത് ,,എന്‍റെ ‘അമ്മയെ എനിക്ക് രക്ഷിക്കണ൦ ,,ഇടയ്ക്കു കാണുന്ന സ്വപ്നത്തിൽ ആരൊക്കെയോ കരയുന്ന ശബ്ദം കേൾക്കുന്നു ,,, എന്താ ഇതൊക്കെ ,,??”

 

“ശങ്കരാ ,,,,,,,,,,,,,,എല്ലാം സമയം പോലെ നിന്‍റെ കണ്മുന്നിലേക് അനുഭവം ആയി വരും ,,ആ അനുഭവത്തിലേക്കു , ആ അനുഭവത്തെ മനസിലാക്കാൻ അതിനു സഹായകം ആകുന്ന രീതിയിൽ നിന്നെ സജ്ജമാക്കാൻ ചിലർക്ക് നിയോഗങ്ങൾ ഉണ്ട് ,, അതാണ് ഇപ്പോ സംഭവിക്കുന്നത് ,, ”

 

“അറിയാം ഗുരുനാഥ ,,,എനിക്ക് അനുഭവങ്ങൾ പലതുണ്ട് ,, ഞാൻ പലതും അറിഞ്ഞിട്ടുമുണ്ട് ”

 

“ശങ്കര ,,,നീ അറിഞ്ഞത് ,,നൂറിൽ ഒന്നുപോലുമല്ല ,, നിന്‍റെ കൈയിലെ നാഗമണി പോലും ഏകാംശ പാർവതി ആണ് ,, പ്രപഞ്ചത്തിൽ ഏറ്റവും നിഗൂഢമായത് ആണ് ശിവനെ സംബന്ധിച്ച എന്തും ,, ആ നിഗൂഢതകളിലേക്കുള്ള  മാർഗ്ഗം ആണ് സിദ്ധയോഗവും ,, ശിവതത്വം എന്നത് എളുപ്പം നേടിയെടുക്കാവുന്ന ഒന്നല്ല ,, പരബ്രഹ്മം എന്ന അവസ്ഥ , അതാണ് ഉന്നതരൂപമായ സദാശിവം ,,അതിന്‍റെ ഊർജമാണ് പരാശക്തി ,, പരബ്രഹ്മത്തിന്റ ത്രിഗുണങ്ങൾ ആണ് സാത്വികമായ ബ്രഹ്മവും രാജസികമായ വൈഷ്‌ണവവും താമസികമായ ശൈവവും.,,അങ്ങനെ ഒരുപാട് ഉണ്ട് അതൊക്കെ സാധനകളിലൂടെ അന്വേഷണത്തിലൂടെ കാലത്തിലൂടെയൊക്കെ ആണ് അറിയാൻ സാധിക്കുക”

 

ആദി എല്ലാം കേട്ടിരുന്നു

 

Pages 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73