അപരാജിതന്‍ 19 [Harshan] 11394

 ആദി ഇല്ലത്തു എത്തിയപ്പോളും അവന്‍റെ കാതിൽ മുഴങ്ങി കൊണ്ടിരുന്നത് ആ സൂഫികൾ പറഞ്ഞ വാക്കു തന്നെ ആയിരുന്നു മുറാക്കബാ,,

പക്ഷെ എന്തോ അവനതിന് വലിയ പ്രാധാന്യം കൊടുത്തില്ല

അത് വല്ല നന്ദി വാക്കും ആകും എന്ന് മാത്രം അവൻ കരുതി

അന്ന് അവൻ എല്ലാരും കൂടെ ഹാളിൽ ഇരുന്നു സംസാരിച്ചു കൊണ്ടിരുന്നപ്പോൾ ആണ് വൈഗ ഒരു ട്രേയിൽ എല്ലാവര്ക്കും ഉള്ള ചായയും ആയി വന്നത്

അപ്പളേക്കും വീൽചെയറിൽ പെരുമാളിന്‍റെ അമ്മയെ കൂട്ടി നളിനി അങ്ങോട്ടേക്ക് വന്നു

അവർ എല്ലാവരും അടുത്ത ദിവസം അവിടെ നിന്നും പുറപ്പെടും

ആ പാട്ടിയമ്മ അപ്പുവിന്‍റെയും  വൈഗയുടെയും കല്യാണം ഇനി വൈകിക്കരുത്

അതും എളുപ്പം നടത്തണം എന്ന് ആവശ്യപ്പെട്ടു

അതിൽ അവനൊന്നും പറയാൻ ഉണ്ടായിരുന്നില്ല

കാരണം ആ തീരുമാനം ഒക്കെ എന്നെ അവനിൽ നിന്നും നഷ്ടപ്പെട്ടത് തന്നെയായിരുന്നു

അവനൊന്നും മിണ്ടിയില്ല

പെരുമാളും സമ്മതം പ്രകടിപ്പിച്ചു

നരൻ യമുനയുടെ വീട്ടിൽ ആയതിനാൽ നരൻ കൂടെ വന്നിട്ട് നിശ്ചയദാർഢ്യം ചെയ്യാനുള്ള ഒരുക്കങ്ങൾ ചെയ്യാം എന്ന് പദ്മാവതിയമ്മ പറഞ്ഞു

അതുകേട്ടു വൈഗ വല്ലാതെ സന്തോഷഭരിതയായി മാറി .

അവൾക് സ്വർഗ്ഗം കിട്ടിയ സന്തോഷം ആയിരുന്നു.

അപ്പു കൂടുതൽ ഒന്നും പറയാതെ അവിടെ നിന്നും എഴുന്നേറ്റു പോയി.

അവനു പുറകെ വൈഗ അവന്‍റെ മുറിയിലേക്കു ചെന്നു

അപ്പു ഷർട്ട് ഊരാൻ ശ്രമിക്കുമ്പോൾ  അവൾ ഓടി ചെന്ന് പിന്നിലൂടെ “മാമാ “: എന്ന് വിളിച്ചു അവനെ കെട്ടിപിടിച്ചു

ഇഷ്ടമില്ലെങ്കിലും അവൻ അവൾക്കു വിഷമം ആകരുത് എന്ന് കരുതി നിന്നു

“നാൻ ഇവളോ നാളാ കാത്തിരുന്ത നമ്മ നിശ്ചയദാർഢ്യം ആക പോകിരത് ,,നാൻ റൊമ്പ ഹാപ്പി മാമാ ”

അവനൊന്നും മിണ്ടിയില്ല

അവൾ അവനിൽ നിന്നും മാറി

അവനു മുന്നിൽ വന്നു

അവന്‍റെ മുഖത്ത് ഒരു സന്തോഷവും ഇല്ലായിരുന്നു

“എൻ മാമാ ,,,,,,,,,,,എന്ന പുടിക്കാതാ ?” വിഷമത്തോടെ അവൾ ചോദിച്ചു

“അതൊന്നും അല്ല വൈഗൂ ,,,,,,,,,,എന്തായാലും ഞാൻ നിന്നെ അല്ലെ കെട്ടാൻ പോകുന്നെ ,,,അപ്പൊ അതിത്ര വേഗം വേണോ ,,,, ”

“അവൾ അവനെ നോക്കി അവൻ പറയുന്നത് കേട്ട് നിന്നു

“വൈഗൂ ,,,,,,,,,,,ഞാൻ ഇതുവരെ എന്‍റെ അച്ഛന്‍റെ കുടുംബത്തെ മാത്രമേ കണ്ടെത്തിയിട്ടുള്ളു ,,എനിക്കെന്‍റെ  അമ്മയുടെ കുടുംബത്തെയും കണ്ടു പിടിക്കണം ,, അത് വരെ എനിക്ക് സമയം തന്നൂടെ ,,”

“മാമ ,,,അത് നീങ്ക കണ്ടു പിടിക്കുങ്കോ ,,,അത്ക്കു  നമ്മ തിരുമണ൦ എതുക്ക് ഒത്തിവക്കണോം ”

“വേണം വൈഗൂ ,,, എന്‍റെ വിവാഹത്തിന് എന്‍റെ അമ്മയുടെ കുടുംബത്തിൽ ഉള്ളവർ കൂടെ വേണം എന്ന് എനിക്ക് നിർബന്ധം ഉണ്ട് ,,,അതെനിക് ആഗ്രഹിച്ചൂടെ ,,,”

അവൾ അവനെ അനുതാപത്തോടെ നോക്കി

“സരി ,,മാമ ,,,,ആനാ ഒരു കണ്ടീഷൻ ,,,”

“എന്താ ?”

“അതുക്കപ്പുറം നീങ്ക വേഗമാ എന്ന തീരുമണം സെയ്യണോം ,,,”

“,ഹും …………..” അവൻ മൂളി

അതുകേട്ടു അവൾക്കു ഒരുപാട് സന്തോഷമായി

അവൾ അവന്‍റെ താടിയിൽ മുറുകെ പിടിച്ചു , കവിളത്തു നുള്ളി വേഗം താഴേക്ക് ഓടി

അവൻ അവളുടെ ആ ഓട്ടം കണ്ടു അവളെ നോക്കി നിന്നു

സത്യത്തിൽ ഒരു പാവം ആണ്

അപ്പുവിന് അവളെ ഒരുപാട് ഒരുപാട് ഇഷ്ടവും ആണ്

അതിലേറെ വാത്സല്യവും

അവളുടെ സ്നേഹത്തെ അംഗീകരിക്കുവാൻ മനസനുവദിക്കുന്നില്ല ,,

എത്ര വന്നാലും താൻ അവളുടെ അമ്മാവൻ അല്ലെ ,,,

എങ്ങനെയാ അവളെ വിവാഹം കഴിക്കുക , അവളെ ഭാര്യയായി കാണുക ,,

പക്ഷെ അവളെ വിവാഹം കഴിക്കാതെ ഇരിക്കാനും സാധിക്കില്ല

അമ്മയുടെ പേരിൽ കൊടുത്ത വാക്കു പാലിച്ചേ പറ്റു

അങ്ങനെ ഓരോന്ന് അവൻ ആലോചിച്ചു കിടന്നു