അപരാജിതന്‍ 19 [Harshan] 11390

(86)

രാവിലെ ഒരു ഒന്പതു മണി ആയി കാണും

രാവിലെ അപ്പുവിനുള്ള ചായയും ആയി ഏട്ടത്തി അവന്‍റെ മുറിയിലേക്ക് വന്നു

ആ കാഴ്ച കണ്ടു യമുന അതിശയപ്പെട്ടു

അപ്പു ഇരുന്നു എഴുതുകയാണ് എന്തൊക്കെയോ

അവൾ അവനു സമീപത്തേക്ക് വന്നു

നോക്കി നിന്നു

ഓരോ അക്ഷരങ്ങൾ മാറ്റി മാറ്റി എഴുതി കൊണ്ടിരിക്കുന്നു

ഒരു പേജിന്‍റെ രണ്ടും പുറത്തും രണ്ടു ഭാഗങ്ങളിലായി ആണ് എഴുതി കൊണ്ടിരിക്കുന്നത്.

അവന്‍റെ വലതു വശത്തു ഒരു എഴുതിയ ഒരുകെട്ട് ഇരിക്കുന്നു

യമുന അതെടുത്തു നോക്കി

“അപ്പു ,,,,,,,,,,,”

“ആ ,,,,” അവൻ തിരിഞ്ഞു നോക്കി

“നീ ഉറങ്ങിയില്ലായിരുന്നോ ?”

“ഇല്ല ഏട്ടത്തി ,,,,ഞാൻ കണ്ടുപിടിക്ക്യാ ,,,അതാ ഇതിൽ നിന്നും മാക്സിമം ഉണ്ടാക്കവുന്ന കോമ്പിനേഷൻ കിട്ടിയിട്ട് വേണം അര്‍ത്ഥം നോക്കാൻ ”

“ഇന്ന ,,ഈ ചായ കുടിക്ക് ” അവൾ ചായ അവനു നേരെ നീട്ടി

“സമയം ഒമ്പതായാലോ ,,,ഏട്ടത്തി ,, ഞാൻ അറിഞ്ഞേ ഇല്ല ,,,ഇന്നല്ലേ നിങ്ങൾ വീട്ടിൽ പോകുന്നേ ”

“അതെ ,,,,അപ്പു ,,,”

എപ്പളാ ഇറങ്ങുക ?”

“ഇറങ്ങാറായി ,,, ”

“ആണോ ,,,,ഞാൻ അങ്ങോട്ടേക്ക് വന്നേക്കാം ,,,”

“ഓ ,,,എപ്പോളാച്ചാ വാ ,,വരുമ്പോ വൈഗൂനെയും കൂട്ടിക്കോ ,,,”

“ശരി ഏട്ടത്തി ,,”

“അല്ല ,,,വല്യമ്മ എവിടെ ?”

“‘അമ്മ വരാറായി ,,കോവിലിൽ പോയതാ ,,നീ ചായ കുടിച്ചു കുളിക്കാൻ ഒക്കെ നോക്ക് ,,”

“ആ ,,,അങ്ങനെയാവട്ടെ ഏട്ടത്തി ”

യമുന അവിടെ നിന്നും ഇറങ്ങി

അപ്പു ആകെ തളർന്നിരുന്നു

കൈയൊക്കെ നല്ല വേദനയുണ്ടായിരുന്നു

അവൻ പിന്നെ പോയി കുളിച്ചു ഒക്കെ വന്നു

അപ്പോളേക്കും മണിയേട്ടനും ഏടത്തിയും പുറപ്പെട്ടിരുന്നു

അവരെ കൊണ്ടാക്കാൻ പെരുമാളും നളിനിയും കൂടെ പോയി , അവർ അതുവഴി ഏതോ ബന്ധുക്കളുടെ അടുത്തെയൊക്കെ പോയി വൈകീട്ടെ തിരികെ വരൂ എന്ന് പറഞ്ഞിരുന്നു , അവരുടെ കൂടെ വെങ്കിടിയും പോയി

അപ്പോളേക്കും വല്യമ്മയും വന്നിരുന്നു

ഒരു പത്തരയൊക്കെ ആയപ്പോൾ അപ്പു  ഹാളിൽ ഇരിക്കുകയായിരുന്നു

സാധാരണ എപ്പോളും തന്‍റെ പുറകിൽ നിന്നും മാറാത്ത വൈഗയെ കാണുന്നെ ഇല്ല

അവൻ വല്യമ്മയോടു വൈഗ എവിടെ എന്ന് ചോദിച്ചു

അവൾ മുറിയിൽ ഉണ്ട് , നല്ല സുഖം ഇല്ല എന്ന് അവനോടു പറഞ്ഞു

അതുകേട്ടു അവൻ വൈഗയുടെ മുറിയിലേക്കു ചെന്നു

അവൾ കിടക്കുകയായിരുന്നു

അവൻ അവളുടെ അടുത്തിരുന്നു

“വൈഗൂ ,,,മോളെ ,,,,,,,,,” അവൻ വിളിച്ചു

അവൾ വിളികേട്ടു

അവൻ അവളുടെ നെറ്റിയിൽ കൈ വെച്ച് നോക്കി

“പനിയൊന്നും ഇല്ലാലോ ,,,പിന്നെ എന്തിനാ കിടക്കുന്നെ ?”

അവൻ അവളുടെ നെറ്റിയിൽ തലോടി

അവളുടെ കണ്ണ് നിറയുന്നുണ്ടായിരുന്നു

“അയ്യോ ,,,ഏന്തിനാ  കരയണെ ?”  അവനാകെ പേടിയായി

“തല വലിക്കിറത് ,,മാമാ ,,,” അവൾ വിങ്ങി പറഞ്ഞു

അവളുടെ ആ പറയുന്ന രീതി കണ്ടപ്പോ അവനു മനസിലായി

അവൾക്കു നല്ലപോലെ തലവേദന ഉണ്ടെന്ന്