😈എൻ്റെ ടീച്ചർ അഥവാ എൻ്റെ ചേട്ടത്തിയമ്മ😈 [CLIMAX][ADM] 1521

“പിന്നെ…..അമ്മുസ് ഇന്നലെ എനിക്കൊരു വാക്ക് തന്നില്ലായിരുന്നോ ഞാൻ പറയുന്ന ഒരു കാര്യം അനുസരിക്കുമെന്ന്……അതിപ്പോ പറയാൻ പോവാ……….മുഴുവൻ കേട്ടിട്ട് മറുപടി പറഞ്ഞാൽ മതി ട്ടോ……”

ഹെയർ പിൻ വായിൽ കടിച്ചു പിടിച്ചുകൊണ്ട് മുടി മടഞ്ഞു കിട്ടിക്കൊണ്ടിരുന്ന അവൾ ശെരിയെന്ന രീതിയിൽ തലയാട്ടി………..

“മോള് അച്ചു ചേച്ചിയെ വിളിച്ചു അവളുമായിട്ട് കൂട്ടാവണം………….എല്ലാ പിണക്കങ്ങളും മാറ്റണം……ഇനി ഒരിക്കലും അവളുമായിട്ട് പിണങ്ങരുത്…..നിങ്ങൾ പണ്ടത്തെപ്പോലെ തന്നെ ആവുമെന്ന് എനിക്ക് വാക്ക് തരണം…….”കാര്യം വളരെ ചുരുക്കികൊണ്ട് കൈ അവൾക്കു നേരെ നീട്ടിക്കൊണ്ട് സത്യം ചെയ്യ് എന്ന രീതിയിൽ അവതരിപ്പിച്ചു…..

അത് കേട്ടതും അവളെന്നെ തന്നെ ഒന്ന് രണ്ടു മിനുട്ട് നോക്കി നിന്നു……….അതിനു ശേഷം എന്തോ ആലോചിച്ചിട്ട് എന്റെ കൈ തട്ടിമാറ്റി………

വാക്കു മാറിയോ എന്ന സംശയോടെ അവളെ നോക്കുന്ന എന്നെ ഞെട്ടിച്ചുകൊണ്ട് അവൾ അവളുടെ കയ്യെടുത്തു എന്റെ തലയിൽ വെച്ച ശേഷം അവൾ സത്യം ചെയ്തു…………

“ഇതെന്റെ അപ്പുവേട്ടൻ കാലങ്ങൾക്ക് ശേഷം എന്നോട് ആവശ്യപ്പെടുന്ന ഒരു കാര്യം അല്ലെ…….ഒരിക്കലും ഞാൻ വാക്ക് തെറ്റിക്കില്ല…….എത്രയും പെട്ടെന്ന് തന്നെ ഞാൻ ആര്യേച്ചിയുമായി കൂട്ടാവും……അപ്പുവേട്ടനാണെ സത്യം”

അവൾ സത്യം ചെയ്തതും ഞാൻ അവളെ കെട്ടിപ്പിടിച്ചു കവിളിൽ ഒരുമ്മയും അതോടൊപ്പം ഒരു കടിയും കൊടുത്തു……അവൾ അത് സന്തോഷത്തോടെ സ്വീകരിച്ചു