😈എൻ്റെ ടീച്ചർ അഥവാ എൻ്റെ ചേട്ടത്തിയമ്മ😈 [CLIMAX][ADM] 1521

“ഇല്ലേട്ടാ…………..എന്താ പ്രശ്നമെന്ന് അറിയില്ല……..അന്ന് അപ്പുവേട്ടനെ കുറിച്ച് പറയാൻ പോലീസ് സ്റ്റേഷനിൽ പോയി വന്ന വല്ല്യേട്ടൻ………..ഏട്ടത്തിയെയും വിളിച്ചു റൂമിൽ കയറിയിരുന്നു,,, പിന്നെ കുറെ കഴിഞ്ഞാണ് വാതിൽ തുറന്നത് ഏട്ടൻ അപ്പൊ തന്നെ നിറഞ്ഞ കണ്ണുമായിട്ട് പുറത്തേക്ക് പോകുന്നത് കണ്ടിട്ടാണ് ഞാൻ ഏട്ടത്തിയെ ചെന്ന് നോക്കിയത്………അപ്പൊ ഏടത്തിയും റൂമിൽ ഒരു മൂലക്കിരുന്നു കരയുകയായിരുന്നു……….അതിൽ പിന്നെ ആണ് അവര് തമ്മിൽ പിണക്കം തുടങ്ങിയത്……….

പക്ഷെ അപ്പുവേട്ടൻ തിരിച്ചു വന്നതിന് ശേഷമുള്ള ഒരു ദിവസം ഹോസ്പിറ്റലിൽ നിന്ന് ഡിസ്ചാർജ് ആയി വീട്ടിൽ എത്തിയ ശേഷം പിറ്റേ ദിവസം കുഞ്ഞിനെ ഉറക്കി എന്നെ ഏൽപ്പിച്ചിട്ട് രണ്ടാളും കൂടി എവിടെയോ പോയിരുന്നു………പോയി വന്നതിനു ശേഷമാണ് ഏട്ടത്തി ബാഗും ഡ്രെസ്സും കുഞ്ഞിനേയും ഒക്കെ എടുത്തു വീട്ടിൽ നിന്നിറങ്ങിയത്,,, പക്ഷെ എന്താ പ്രശ്നമെന്ന് ഞാനും അമ്മയും ഒക്കെ ചോദിച്ചിട്ടും അവർ രണ്ടാളും പറഞ്ഞില്ല………

പിന്നെയും ഒരുപാട് തവണ ‘അമ്മയും ഞാനും ഒക്കെ വല്യേട്ടനോട് ചോദിച്ചെങ്കിലും ഏട്ടൻ ഒന്നും പറഞ്ഞില്ല………………അതല്ലാതെ വേറെ ഒന്നും ഞങ്ങൾക്കറിയില്ല……….”

അവൾ പറഞ്ഞു നിർത്തിയതും,,,, എല്ലാം കൂടി ഞാനൊന്നു കൂട്ടി വായിച്ചു നോക്കി……….പ്രശ്നത്തിന്റെ ഏകദേശ രൂപം എനിക്ക് മുന്നിൽ തെളിഞ്ഞു വന്നെങ്കിലും ഒന്നും ഉറപ്പിക്കാൻ കഴിയുമായിരുന്നില്ല…….

“എന്താ അപ്പുവേട്ടാ…………..എന്താ ആലോചിക്കുന്നേ…….”മുടി ചീകിക്കെട്ടിക്കൊണ്ട് അവൾ എന്റെ ചിന്തയെ ശ്രദ്ധിച്ചെന്നോണം ചോദിച്ചതും………ഞാൻ ഒന്നുമില്ലെന്ന് തലയാട്ടി…

“അപ്പുവേട്ടനറിയുമോ അവർ തമ്മിലുള്ള പ്രശ്നം…….”

“ഇല്ലെടി…….ഞാൻ എങ്ങനെ അറിയാനാ…………”

“മ്മ്………….”

അവസാനം അവളെ ഒറ്റയ്ക്ക് കിട്ടുന്ന ഈ നിമിഷം തന്നെ അവളെ കൊണ്ട് മറ്റൊരു കാര്യം സാധിപ്പിക്കാൻ ഞാൻ തുനിഞ്ഞു….