?? അവൾ രാജകുമാരി – 9 ?? [ ചെകുത്താനെ സ്നേഹിച്ച മാലാഖ ] 618

മുന്നോട്ട് നടന്ന ആദിത്യന് നേരെ അവൾ ഉറക്കെ വിളിച്ച് പറഞ്ഞു . അവൾ പറഞ്ഞ വാക്കുകൾ കേട്ടതും കടിഞ്ഞാൺ ഇട്ട കുതിരയെപ്പോലെ അവന്റെ കാലുകൾ നിശ്ചലമായി . അവൻ തിരിഞ്ഞ് നോക്കിയതും കൈകൾ കെട്ടി അവനെ തന്നെ നോക്കി നിൽക്കുന്ന അവന്തികയെയാണ് കണ്ടത് . അവൻ അവളുടെ അടുത്തേയ്ക്ക് നടന്നു . അവളുടെ തൊട്ടടുത്ത് എത്തിയ ശേഷം അവളുടെ മുഖത്തേയ്ക്ക് തന്നെ അവൻ നോക്കി നിന്നു . അവന്റെ നോട്ടം അവളുടെ മനസ്സിലെ ദൈര്യം മുഴുവൻ ചോർത്തികളഞ്ഞു അവൾ പതിയെ തലകുനിച്ച് .

ആദിത്യൻ തന്റെ ചൂണ്ടു വിരൽ കൊണ്ട് അവളുടെ നാടിയിൽ തൊട്ട് അവളുടെ മുഖം തന്റെ നേരെ ഉയർത്തി . ഒരു പുഞ്ചിരിച്ച മുഖത്തോടെ അവൾ അവനെ നോക്കി .

” മടങ്ങിപ്പോക ……. ”

അവൻ പുഞ്ചിരിച്ച മുഖത്തോടെ അത്രയും പറഞ്ഞ ശേഷം കൈ പിൻവലിച്ചു . തിരിച്ച് ആ വനത്തിനുള്ളിലേക്ക് അവൻ അതിവേഗം ഓടി മറഞ്ഞു .

അവന്റെ പുഞ്ചിരിച്ച മുഖം കണ്ടതും അവളുടെ മനസ്സിൽ മുഴുവൻ സന്തോഷം വന്ന് നിറഞ്ഞു . പക്ഷെ ചോദിച്ച ചോദ്യങ്ങളുടെ ഉത്തരം ലഭിക്കാത്തതിലും പേര് പോലും പറയാതെ ഒഴിഞ്ഞ് മാറിയതിലും അവളിൽ സങ്കടം ഉണ്ടാക്കി . അവൾ അവിടെ ചുറ്റും തിരഞ്ഞെങ്കിലും ആ യുവാവിനെ കാണാൻ സാധിച്ചില്ല . മനസ്സിൽ സങ്കടം നിറഞ്ഞ ഭാവത്തിൽ അവൾ തിരിച്ച് വനത്തിന് പുറത്തേയ്ക്ക് നടന്നു ക്ഷേത്ര കവാടം ലക്ഷ്യമാക്കി …….

……………………………..

ഉയരമുള്ള മരത്തിന്റെ കൊമ്പിൽ ഇതെല്ലാം നിരീക്ഷിച്ചു കൊണ്ടിരുന്ന ആ മൂങ്ങ വേഗം പറന്നുയർന്നു . കിഴക്ക് ദിശ ലക്ഷ്യമാക്കി .