” ഞാൻ ഒന്ന് പുറത്തേയ്ക്ക് ഇറങ്ങിയതാ…. മനോഹരമായ പ്രദേശം …. ”

( മന:പൂർവ്വം അവൾ നടന്നതെല്ലാം മറച്ചുവച്ചു കാരണം ഉള്ളിൽ ഒരുപാട് സംശയങ്ങൾ ഇനിയും ബാക്കിയാണ് ) .

അവന്തിക പറഞ്ഞു .

” കുമാരി …….. പുറത്തേക്ക് ഇറങ്ങരുത് എന്ന് പ്രത്യേകം പറഞ്ഞതല്ലേ …… അത് അപകടമാണ് . വരൂ പൂജകൾ ഒക്കെ കഴിഞ്ഞ് കാണും നമുക്ക് കൊട്ടാരത്തിലേക്ക് മടങ്ങാം ….. ”

തോഴി അത് പറഞ്ഞതും ഒരു പുഞ്ചിരിയോടെ അവൾ തലയാട്ടി …. സത്യത്തിൽ അവൾ ഒരു മായിക ലോകത്തിൽ അകപ്പെട്ട അവസ്ഥയിലായിരുന്നു ……
അങ്ങനെ അൽപ സമയം കൂടെ അവിടെ ചിലവഴിച്ച ശേഷം അവർ കൊട്ടാരത്തിലേക്ക് യാത്ര തിരിച്ചു .

……………………………..

തിരികെയുള്ള യാത്രയിൽ അവന്തികയ്ക്ക് പുറത്തെ പ്രകൃതി സൗന്ദര്യം ആസ്വദിക്കാൻ കഴിഞ്ഞില്ല അവൾ ഒരു സ്വപ്ന ലോകത്തിലായിരുന്നു . മനസ്സിൽ മുഴുവൻ ഇതേ വരെ അനുഭവിച്ചിട്ടില്ലാത്ത ഒരു തരം സന്തോഷം . പലവട്ടം അവൾ വനത്തിൽ വച്ച് നടന്ന കാര്യങ്ങൾ ആവർത്തിച്ച് ചിന്തിച്ച് നോക്കി …. ബാക്കിയായത് ഒരു ചോദ്യം മാത്രം .

‘ ആരാണ് ആ യുവാവ് ? ‘

……………………………………………

ആദിത്യൻ തിരികെ ആ വനത്തിനുള്ളിലേക്ക് നടന്നു , ഒടുവിൽ ആ വാൾ ലഭിച്ച ഗുഹയുടെ പുറത്ത് എത്തി . അപ്പോഴേക്കും ആ കഴുകൻ പറന്ന് അവന്റെ അടുത്ത് എത്തി . അവൻ ആ ഗുഹയ്ക്കുളിലേക്ക് പ്രവേശിച്ചു . ആ ഗുഹയ്ക്കകത്ത് സൂര്യപ്രകാശം വന്ന് പതിക്കുന്ന സ്ഥലത്ത് നിലത്തായി അവൻ പോയി ഇരുന്നു . അപ്പോഴേക്കും ആ സിംഹം ഭയത്തോടെ അവന്റെ കാൽച്ചുവട്ടിൽ നിലത്തായി വന്ന് കിടന്നു .