കൈ നീട്ടിയതും അത് പറന്ന് അയാളുടെ കയ്യിൽ വന്നിരുന്നു പെട്ടന്ന് ആ മൂങ്ങയുടെ കണ്ണുകൾ രക്തവർണ്ണമായി മാറി . അയാൾ ആ മൂങ്ങയുടെ കണ്ണുകളിലേക്ക് സൂക്ഷിച്ച് നോക്കി . അതിന്റെ കണ്ണുകളിലൂടെ ആ മൂങ്ങ വനത്തിൽ വച്ച് കണ്ടതെല്ലാം അയാളും കണ്ട് മനസ്സിലാക്കി നേരിട്ട് കാണുന്നത് പോലെ . എല്ലാം മനസ്സിലാക്കിയ അയാളുടെ മുഖത്ത് സന്തോഷത്തിന്റെയും ദേഷ്യത്തിന്റെയും ഒരു ചിരി വന്ന് നിറഞ്ഞു അത് ഒടുവിൽ അട്ടഹാസമായി മാറി .

അതിനു ശേഷം അയാൾ ആ ഇരുൾ നിറഞ്ഞ വനത്തിലൂടെ മുന്നോട്ട് നടന്ന് നീങ്ങി പുറകെ ആ മൂങ്ങയും ……

……………………………………………

കൊട്ടാരത്തിൽ മടങ്ങിയെത്തിയ അവന്തിക വളരെ സന്തോഷവതിയായിരുന്നു . ഇത്രയും കാലമായിട്ടും തന്റെ മകളുടെ മുഖത്ത് ഇത്രയും സന്തോഷം അനസൂയ കണ്ടിട്ടില്ല . ആദ്യമായി പുറംലോകവും പുറത്തെ കാഴ്ചകളും ഒക്കെ കാണാൻ കഴിഞ്ഞല്ലോ അതിന്റെ സന്തോഷമാകും തന്റെ മകളുടെ മുഖത്ത് എന്ന് അനസൂയ വിശ്വസിച്ചു . എന്നാൽ അവന്തികയുടെ മനസ്സിൽ മുഴുവൻ വനത്തിൽ വച്ച് നടന്ന കാര്യങ്ങൾ ആയിരുന്നു . ഒപ്പം മനസ്സിലാക്കാൻ കഴിയാത്ത ഒരു പിടി ചോദ്യങ്ങളും .

രാത്രിയുടെ യാമങ്ങളിൽ തന്റെ അറയിലെ പട്ടുമെത്തയിൽ അവൾ ഉറങ്ങാനായി കിടന്നു , പക്ഷെ അവൾക്ക് ഉറക്കം വന്നില്ല , കാരണം അവളുടെ മനസ്സ് മറ്റെവിടെയോ ആയിരുന്നു . കണ്ണടയ്ക്കുമ്പോൾ കണ്ണുകളിലേക്ക് തെളിഞ്ഞ് വരുന്നത് ആ യുവാവിന്റെ മുഖമാണ് .
അന്തിക എണീറ്റ് തന്റെ മെത്തയിൽ ഇരുന്നു . വല്ലാതെ ദാഹം തോന്നിയതു കൊണ്ട് അടുത്തായി ഒരു പ്രത്യേക പാത്രത്തിൽ അടച്ച് വച്ചിരുന്ന തണുത്ത ജലം അവൾ കുടിച്ചു .