💞💞 അവൾ രാജകുമാരി – 9 💞💞 [ ചെകുത്താനെ സ്നേഹിച്ച മാലാഖ ] 618

അനസൂയയെ കണ്ടതും അഗ്നിമിത്രൻ അവളുടെ സൗന്ദര്യത്തിൽ മതിമറന്ന് അവളെ തനെ നോക്കി നിന്നു , അൽപ്പം അഹങ്കാരത്തോടെ . എന്നാൽ അവന്തിക അവനെ ശ്രദ്ധിക്കുക പോലും ചെയ്തില്ല . എല്ലാവരും വന്നതും ജ്യോതി ശാസ്ത്രി ക്ഷേത്രത്തിന് പുറത്തെ കൽമണ്ഡപത്തിൽ ഇരുന്ന ശേഷം അവന്തികയുടെ ഗ്രഹനില പരിശോധിക്കാൻ ആരംഭിച്ചു .

അയാൾ ഒരു നിമിഷം കണ്ണുകളടച്ച് ധ്യാനിച്ച ശേഷം കണ്ണുകൾ തുറന്നു .

” ഗുരോ എന്താണ് ഇപ്പോഴത്തെ അവസ്ഥ …..? എന്റെ മകൾക്ക് ഒരു ആപത്തും വരുത്തരുതേ സർവേശ്വരാ……. ”

അനസൂയ ജ്യോതി ശാസ്ത്രിയോട് ചോദിച്ച ശേഷം മുന്നിലെ വിഗ്രഹത്തിലേക്ക് നോക്കി കൈകൂപ്പി പ്രാർത്ഥിച്ചു.

” കുമരിയുടെ ഗ്രഹനിലയിൽ മൃത്യുയോഗം അങ്ങനെ തന്നെ തെളിഞ്ഞ് നിൽക്കുകയാണ് , ഒരു മാറ്റവും നാം കാണുന്നില്ല …… പക്ഷെ ഒരു സംരക്ഷണ കവചം കുമാരിക്ക് ചുറ്റും നാം കാണുന്നുണ്ട് , അത് ഏത് ശക്തിയാണെന്ന് മാത്രം വ്യക്തമാകുന്നില്ല . ആ കവചം ഭേദിക്കുക അത്ര എളുപ്പമല്ല ….. ഇന്നലെ ക്ഷേത്ര ദർശനം ചെയ്തല്ലോ അതിന് ശേഷമാണ് ഈ സംരക്ഷണ കവചം കുമാരിക്ക് ചുറ്റും രൂപപ്പെട്ടിരിക്കുന്നത് . ചിലപ്പോൾ ഭഗവാന്റെ കടാക്ഷമാകാം . എന്തായാലും എല്ലാ ആഴ്ചവട്ടവും ശുക്രവാരം ( വെള്ളിയാഴ്ച ) കുമാരി ക്ഷേത്ര ദർശനം നടത്തണം ഇന്നലത്തെ പോലെ തന്നെ . ഞാൻ അന്ന് പറഞ്ഞതു പോലെ കുമാരിയുമായി രക്തബന്ധമുള്ള ആരും കുമാരിയെ അനുഗമിക്കാൻ പാടില്ല ….. ഭഗവാൻ തുണയ്ക്കട്ടെ …… ”

ജ്യോതിശാസ്ത്രി അത്രയും പറഞ്ഞശേഷം എണീറ്റ് ക്ഷേത്ര പൂജകൾ ചെയ്യുവാനായി പോയി …..

……………………………..