?? അവൾ രാജകുമാരി – 9 ?? [ ചെകുത്താനെ സ്നേഹിച്ച മാലാഖ ] 618

……………………………..

രാത്രിയാമത്തിൽ അവന്തിക ഒരു സ്വപ്നം കണ്ട് വേഗം മയക്കത്തിൽ നിന്ന് ഞെട്ടി ഉണർന്നു …… അവൾ കണ്ടത് ആദിത്യനെയായിരുന്നു അന്ന് ആ വനത്തിൽ വച്ച് നടന്ന കാര്യങ്ങൾ നേരിട്ടെന്ന പോലെ അവൾ വീണ്ടും സ്വപ്നത്തിലൂടെ അനുഭവിച്ചറിഞ്ഞു . അവളുടെ ഓർമ്മയിലേക്ക് വീണ്ടും ആ യുവാവിന്റെ രൂപം തെളിഞ്ഞ് വന്നു . അപ്പോഴാണ് ആ യുവാവിന്റെ കഴുത്തിലെ രുദ്രാക്ഷമാലയെ കുറിച്ചും സൂര്യപ്രകാശത്തിൽ വെട്ടി തിളങ്ങിയ ആ വാളിനെ കുറിച്ചും അവൾ ചിന്തിച്ചത് .

” ആ യുവാവിന്റെ കഴുത്തിലെ രുദ്രാക്ഷമാല , അതിൽ പതിപ്പിച്ചിരിക്കുന്ന രന്തം പിന്നെ കയ്യിൽ ഇരുന്ന ആ വാൾ അതിന്റെ രൂപം എവിടെയോ കേട്ട് മറന്ന പോലെ …… അതെ അത് സൂര്യ അസ്ത്ര ആ വാൾ അല്ലേ ……. അപ്പോൾ പൂർവ്വികർ പറഞ്ഞത് കെട്ട് കഥകൾ അല്ല അത് സത്യമാണ് . അതുകൊണ്ടാണ് വന്യമൃഗങ്ങൾ പോലും ആ യുവാവിന്റെ ആജ്ഞ അനുസരിക്കുന്നത് .

അപ്പോൾ ആ യുവാവ് …… ആ യുവാവ് തീർച്ചയായും സൂര്യവംശത്തിൽ ജനിച്ചതായിരിക്കണം . അതെ ആ യുവാവിന്റെ ഇടനെഞ്ചിൽ പച്ചകുത്തിയിരിക്കുന്ന അർദ്ധ സൂര്യന്റെ ചിത്രം അപ്പോൾ ആ യുവാവ് സൂര്യ വംശജൻ തന്നെ ….. പക്ഷെ അയാൾ എങ്ങനെ ? എന്തിന് ? ആ കൊടും കാട്ടിൽ കഴിയുന്നു ……. ഞാൻ സംശയിക്കുന്നതൊക്കെ ശരിയാണോ ? അതൊ വെറും തോന്നലാണോ ….. പക്ഷെ ആ മുഖം എനിക്ക് മറക്കാൻ കഴിയുന്നില്ല …. എത്രത്തോളം മറക്കാൻ ശ്രമിച്ചാലും ആ മുഖം വീണ്ടും വീണ്ടും മനസ്സിൽ ആഴത്തിൽ പതിയുന്നു ….. എനിക്ക് എന്താ പറ്റിയത് ……. ? ”

അവന്തിക തന്നോട് തന്നെ ചോദിച്ചു പക്ഷെ അവളുടെ അവസ്ഥ അവകൾക്ക് പോലും മനസ്സിലാക്കാൻ സാധിച്ചില്ല ……