?? അവൾ രാജകുമാരി – 9 ?? [ ചെകുത്താനെ സ്നേഹിച്ച മാലാഖ ] 618

‘ സങ്കൽപ്പങ്ങൾക്കധീതമായ പ്രണയകാവ്യം തീർക്കാൻ കൃഷ്ണനും രാധയ്ക്കും സാധിച്ചു , പക്ഷെ വിധി അവരെ അകറ്റുകയാണ് ചെയ്തത് ….. കുമാരീ അങ്ങയുടെ ജീവിതത്തിലും എന്താണ് വന്ന് ഭവിക്കുക എന്ന് എനിക്കറിയാം പക്ഷെ അത് തുറന്ന് പറഞ്ഞാൽ വിധി പോലും ചിലപ്പോൾ തിരുത്തി കുറിക്കപ്പെടും കാരണം കുമാരിയുടെ മനസ്സിലെ പ്രണയം സത്യമാണ് …… ‘

ആ വൃദ്ധ മനസ്സിലോർത്തു .

……………………………..

അവർ വീണ്ടും യാത്ര തുടർന്നു …..
ഒടുവിൽ അതിർത്ഥി പ്രദേശത്തെ ക്ഷേത്രത്തിനടുത്ത് അവർ എത്തിച്ചേർന്നു . പടയാളികളെ ക്ഷേത്രത്തിന് പുറത്ത് നിർത്തിയ ശേഷം അവന്തികയും തോഴിമാരും ക്ഷേത്രത്തിനുള്ളിലേക്ക് പ്രവേശിച്ചു …….

ക്ഷേത്ര പൂജാരിമാർ അവരെ എതിരേറ്റു . അവന്തിക ക്ഷേത്രത്തിലെ വിഗ്രഹത്തിന് മുന്നിൽ കൈകൂപ്പി പ്രാർത്ഥിച്ചു പക്ഷെ അവളുടെ മനസ്സിൽ തെളിഞ്ഞ് വന്നത് മുഴുവൻ ആ യുവാവിന്റെ മുഖമായിരുന്നു . അവൻ അടുത്ത് എവിടെയോ ഉണ്ടെന്നുള്ള ഒരു തോന്നലായിരുന്നു അവളുടെ മനസ്സിൽ മുഴുവൻ …….

” കുമാരീ …… ”

ക്ഷേത്രത്തിലെ പൂജാരി അവന്തികയെ വിളിച്ചു .

” കുമാരി ജ്യോതിശാസ്ത്രി രണ്ട് ദിവസം മുൻപ് ഇവിടെ എത്തിയിരുന്നു . അദ്ദേഹം പറഞ്ഞു ക്ഷേത്രത്തിന്റെ ഏറ്റുവും ഉള്ളിലുള്ള കൽമണ്ഡപത്തിലിരുന്ന് കുമാരി ഏകയായി ആരുടെയും സാന്നിദ്ധ്യം ഇല്ലാതെ മൂന്ന് നാഴികയോളം സമയം പ്രാർത്ഥിക്കണമെന്ന് …. അദ്ദേഹം അത് നിർബന്ധമായും കുമാരിയെക്കൊണ്ട് ചെയ്യിക്കണമെന്ന് പറഞ്ഞിട്ടുണ്ട് . കുമാരി തോഴിമാരോട് പറഞ്ഞ ശേഷം ഉളളിലേക്ക് വരൂ … ”