മുൻപ് നടന്ന കാര്യങ്ങൾ ഒരു സ്വപ്നം പോലെ ആദിത്യന്റെ ഓർമ്മയിൽ വന്ന് നിറഞ്ഞു . അതിനു ശേഷം അവന്റെ ഓർമ്മയിൽ വന്ന് നിറഞ്ഞത് പേടിയോടെ തന്നെ നോക്കി നിൽക്കുന്ന ഒരു യുവതിയെയാണ് . അവളുടെ മുഖത്ത് മുഴുവൻ മരണഭയം നിറഞ്ഞിരിക്കുന്നു . പിന്നീട് കാണുന്നത് ഒരു ചെറു പുഞ്ചിരിയോടെ തന്നെ തിരിഞ്ഞ് നോക്കുന്ന അവളുടെ മുഖമാണ് .

……………………………..

ആദിത്യൻ പെട്ടെന്ന് ധ്യാനത്തിൽ നിന്നുണർന്നു . ക്രമാതീതമായി അവന്റെ ഹൃദയമിടിപ്പ് കൂടി ….. ശ്വാസോച്ഛോസം വളരെ വേഗത്തിലായി …. ശരീരത്തിലൂടെ വിയർപ്പ് കണങ്ങൾ ഒഴുകയിറങ്ങി .

ആദിത്യൻ ഒന്ന് ആലോചിച്ച് നോക്കി താൻ അവസാനം കണ്ട കാഴ്ച അത് തൊട്ട് മുൻപ് സംഭവിച്ച കാര്യമാണ് . താൻ രക്ഷപ്പടുത്തിയ ആ യുവതിയാണ് തന്റെ അബോധ മനസ്സിലേക്ക് കടന്ന് വന്നത് ……

ഗുരുവിന്റെ വാക്കുകളും കണ്ട കാഴ്ചകളും അവൻ വീണ്ടും ഓർത്തു നോക്കി , ‘ ഗുരു പറഞ്ഞ ആ വ്യക്തി ഈ യുവതിയാണോ …… ? ‘ എന്ന സംശയമായിരുന്നു പിന്നീട് ആദിത്യന്റെ ചിന്തയിൽ മുഴുവൻ .

……………………………………………

കിഴക്ക് ദിക്ക് ലക്ഷ്യമാക്കി പറന്ന ആ മൂങ്ങ മൈലുകൾ ദൂരം മുന്നോട്ട് പറന്നു . ഒടുവിൽ അത് ഇരുൾ നിറഞ്ഞ ആ വനത്തിനുള്ളിലേക്ക് പ്രവേശിച്ചു . ആ വനത്തിന്റെ നടുക്കായി പ്രതിഷ്ഠിച്ചിരിക്കുന്ന ഒരു അസുര മൂർത്തിയുടെ (പൈശാചിക ശക്തി ) വിഗ്രഹത്തിനടുത്തുള്ള ഒരു മരത്തിന്റെ കൊമ്പിൽ ആ മൂങ്ങ പറന്നിറങ്ങി . അതിന് ശേഷം അത് ആ വിഗഹത്തിന് മുന്നിലേക്ക് നോക്കി …… അവിടെ ഒരാൾ ആ വിഗ്രഹത്തിനു മുന്നിൽ നിൽക്കുന്നു .. മറ്റാരും ആ പ്രദേശത്ത് ഇല്ല അയാൾ മാത്രം .