?? അവൾ രാജകുമാരി – 9 ?? [ ചെകുത്താനെ സ്നേഹിച്ച മാലാഖ ] 618

പോകുന്ന വഴിയിലൊക്കെ പുറത്തെ കാഴ്ചകളിൽ നോക്കിയിരിക്കുകയാണെങ്കിലും ആ യുവാവിനെ ഒന്നുകൂടി കാണണം എന്ന ആഗ്രഹമായിരുന്നു അവളുടെ മനസ്സിൽ മുഴുവൻ …… ഒരു നോക്ക് മാത്രമേ കണ്ടുള്ളൂ എങ്കിലും തുടർച്ചയായി തന്റെ സ്വപ്നത്തിൽ വരുന്ന ആ യുവാവിനെ അവൾ ഇഷ്ടപ്പെട്ട് തുടങ്ങിയിരുന്നു …. പക്ഷെ അത് തന്റെ ജീവൻ രക്ഷിച്ചതിനുള്ള നന്ദിയിലും ആരാധനയിലും ആരംഭിച്ചു എങ്കിലും അവൾ പോലും അറിയാതെ അത് പ്രണയമായി മാറി കഴിഞ്ഞിരുന്നു ….

കുറച്ചധികം ദൂരം പിന്നിട്ടു ……….. ഒരു വിജനമായ പ്രദേശം , വഴിയരികിലുള്ള ഒരു ആൽമരച്ചുവട്ടിൽ തത്തയെ കൊണ്ട് ചീട്ടെടുപ്പിച്ച് ഫലം പറയുന്ന ഒരു വൃദ്ധയായ സ്ത്രീ മരത്തണലിൽ ഇരിക്കുകയായിരുന്നു ……

കൊട്ടാരത്തിലെ പടയാളികളെയും കുതിരവണ്ടിയുമൊക്കെ കണ്ടതും ആ വൃദ്ധ ബഹുമാനപൂർവ്വം ആൽത്തറയിൽ നിന്ന് എണീറ്റ് നിന്നു ….. അവന്തിക ആ വൃദ്ധയായ സ്ത്രീ ആൽമരത്തിന്റെ ചുവട്ടിൽ നിൽക്കുന്നത് കണ്ടു …. പക്ഷെ അവളുടെ നോട്ടം പോയത് ആൽത്തറയിലെ കരിങ്കൽ കെട്ടിന് പുറത്ത് കൂട്ടിലടച്ച് വച്ചിരിക്കുന്ന ആ തത്തയിലേക്കായിരുന്നു ….. കൂട്ടിലടയ്ക്കപ്പെട്ട ആ തത്തയെ കണ്ടതും അവളിൽ സഹതാപവും അൽപം ദേഷ്യവും ഉണ്ടായി ….. അവൾ കുതിര വണ്ടി തെളിക്കുന്ന ഭൃത്യനോട് വണ്ടി നിർത്താൻ ആവശ്യപ്പെട്ടു …..
അയാൾ കുമാരിയുടെ ആജ്ഞ അതുപോലെ അനുസരിച്ചു .

” എന്തിനാ ….. കുമാരി യാത്ര നിർത്തിച്ചത് ….? നമുക്ക് എത്തിച്ചേരാൻ ഇനിയും ദൂരമുണ്ട് ….. ”

തോഴി അവന്തികയോട് ചോദിച്ചു ….