💞💞 അവൾ രാജകുമാരി – 9 💞💞 [ ചെകുത്താനെ സ്നേഹിച്ച മാലാഖ ] 618

നിലത്തിരുന്ന ആദിത്യൻ ഇരു കൈകളും ഇരു കാലുകളുടെ പുറത്ത് വച്ച് ഒരു ദീർഘ നിശ്വാസത്തിന് ശേഷം കണ്ണുകൾ അടച്ചു . അവന്റെ ബോധമനസ്സ് പതിയെ പ്രകൃതിയിൽ അലിഞ്ഞുചേർന്നു , അവൻ ധ്യാനത്തിൽ മുഴുകി . അവന്റെ ഓർമ്മയിലേക്ക് പഴയ ചില നിമിഷങ്ങൾ കടന്ന് വന്നു .

……………………………..

” ഗുരോ അങ്ങ് എന്നോട് പലവട്ടം പറഞ്ഞിട്ടുണ്ട് എനിക്ക് എന്തോ ചെയ്ത് തീർക്കാനുണ്ട് എന്ന് …. എന്താണ് ഗുരോ അത് …..? എന്തിനാണ് അത് എന്താണെന്ന് എന്നോട് പറയതെ എന്നിൽ നിന്ന് മറച്ചു വയ്ക്കുന്നത് …..? ”

ആദിത്യൻ തന്റെ ഗുരുവായ ( പിതാമഹൻ ) സൂര്യവർദ്ധനനോട് ചോദിച്ചു .

” ഹ….. ഹ….. ഹ….. ”

അത് കേട്ടതും അയാൾ ആദ്യം ഒന്ന് ചിരിച്ചു .

” നിയോഗം അത് ഓരോ മനുഷ്യനും ഉണ്ട് . ചെയ്ത് തീർക്കാൻ ഒരുപിടി കർമ്മങ്ങളുമായാണ് ഓരോ മനുഷ്യജന്മവും ഭൂമിയിൽ പിറവി എടുക്കുന്നത് . ഞാൻ നിന്നോട് പറഞ്ഞിട്ടില്ലേ ……
ഏതൊരു ജീവിയുടെയും ജീവൻ എടുക്കാൻ മനുഷ്യന് അധികാരം ഇല്ല എന്നാൽ മരണത്തിൽ നിന്ന് സ്വയം രക്ഷനേടാനും മറ്റൊരാളുടെ ജീവനും ജീവിതവും രക്ഷിക്കാനും വേണ്ടി നമുക്ക് ചിലപ്പോൾ മരണം വിതയ്ക്കേണ്ടി വരും അത് ഒരു യോദ്ധാവിന്റെ ധർമ്മമാണ് അതിൽ തെറ്റില്ല . കാലം നിനക്ക് നിന്റെ നിയോഗം വെളിപ്പെടുത്തി തരും .

നിന്റെ ജീവിതത്തിലേക്ക് നിക്ക് ഭൂമിയിൽ വച്ച് ഏറ്റും പ്രീയപ്പെട്ടതായി ഒരാൾ കടന്ന് വരും . അയാൾ നിന്നെ നിന്റെ ലക്ഷ്യസ്ഥാനത്ത് എത്തിക്കും അല്ല അയാൾ കാരണം നീ ലക്ഷ്യസ്ഥാനത്ത് എത്തിച്ചരും , പക്ഷെ അതിന് മുൻപ് നീ പല കാഴ്ചകളും കാണും പലതും അഭവിക്കും നീ മറ്റൊരാളായി മാറും പ്രകൃതി തന്നെ നിന്നെ മാറ്റിയെടുക്കും …… എല്ലാം കാലം കാണിച്ച് തരും ……. ”