?? അവൾ രാജകുമാരി – 9 ?? [ ചെകുത്താനെ സ്നേഹിച്ച മാലാഖ ] 618

” എന്ത് പരീക്ഷണമാണ് ഭഗവാനെ ഇത് ? ”

അനസൂയ തന്റെ മകളെ കെട്ടിപ്പിടിച്ചു കരയാൻ തുടങ്ങി ……

” മാതെ …… സങ്കടപ്പെടാതിരിക്കൂ . എനിക്ക് ഒരു ആപത്തും വരില്ല . ജ്യോതിശാസ്ത്രി പറഞ്ഞല്ലോ എന്നെ സംരക്ഷിക്കാൻ ഏതോ ഒരു ശക്തി ഉണ്ടെന്ന് പിന്നെ എന്തിനാ വെറുതെ സങ്കടപ്പെടുന്നത് ….. ”

അവന്തിക ഒരു പുഞ്ചിരിയോടെ പറഞ്ഞ ശേഷം തന്റെ അറയിലേക്ക് പോയി …….

……………………………..

” കുമാരി…….. ഇനി കുമാരിക്ക് എല്ലാ ആഴ്ചവട്ടവും കൊട്ടാരത്തിന് പുറത്തേക്ക് പോകാൻ കഴിയുമല്ലോ ?……. ”

ഒരു തോഴി പുഞ്ചിരിയോടെ അത് പറഞ്ഞപ്പോഴാണ് അവന്തിക ജ്യോതിശാസ്ത്രി പറഞ്ഞ ആ കാര്യം ഓർമ്മിച്ചത് ……. അവളുടെ ഉള്ളിൽ വല്ലാത്ത ഒരു സന്തോഷം വന്ന് നിറഞ്ഞു പക്ഷെ അതിന്റെ കാരണം അവൾക്ക് വ്യക്തമായില്ല …..

” എന്നാലും കുമാരീ …… ജ്യോതിശാസ്ത്രി പറഞ്ഞ ആ സംരക്ഷണ കവചം അത് എന്താണ് ……? ചാന്ദഭഗവാന്റെ അനുഗ്രഹമാണെങ്കിൽ അത് ജ്യോതിശാസ്ത്രിയുടെ ജ്ഞാന ദൃഷ്ടിയിൽ തെളിഞ്ഞ് വരേണ്ടതല്ലേ …… പക്ഷെ അദ്ദേഹത്തിന് പോലും വ്യക്തമാകാത്ത ആ
സംരക്ഷണ കവചം അത് ….. ? ”

തോഴി അവന്തികയോട് പറഞ്ഞ ശേഷം ആലോചിക്കാൻ തുടങ്ങി ….. അവന്തിക അറയിലെ തന്റെ മെത്തകൊണ്ടുള്ള കിടക്കയിലേക്ക് ഇരുന്ന ശേഷം തോഴി പറഞ്ഞ കാര്യം ഒന്നാലോചിച്ചു നോക്കി . പക്ഷെ അവൾക്കും ഉത്തരമൊന്നും കിട്ടിയില്ല ……..