✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1163

എല്ലാം കേട്ട് മുന്നേ നടന്ന രഘുറാം വലിച്ച് കെട്ടിയിരിക്കുന്ന ആ കയറ് മറികടന്ന് അകത്തേയ്ക്ക് കയറി ….. മൂന്നിടത്തായി മരിച്ച് കിടക്കുന്ന ആ മൂവരെയും ഒപ്പം സംഭവ സ്ഥലവും രഘുറം ചുറ്റി നടന്ന് സസൂക്ഷ്മം വീക്ഷിച്ചു …..

” യെനി എവിടെൻസ് ….. ”

അവിടെ നിന്ന സീനിയർ ഫോറൻസിക് വിദഗ്ധനോട് രഘുറാം ചോദിച്ചു …..

” നത്തിങ് സർ ….. ഒരു എവിടെൻസും ബാക്കി വച്ചിട്ടില്ല , ഒരു വിരൽപ്പാട് പോലും …… പിന്നെ പറയാൻ കഴിയുന്നത് മുൻപത്തെ ഇൻസിഡൻസുമായി ഏറെ സാമ്യം ഉണ്ട് എന്നുള്ള കാര്യം മാത്രമാണ് . കൊലപാതക രീതി , ഉപയോഗിച്ചിരിക്കുന്ന ആയുധം എന്തിന് മുറിവിന്റെ ആഴം പോലും സെയിം …..

അതിനർത്ഥം മുൻപത്തെ ക്രൈം ചെയ്ത ആൾ തന്നെയാണ് ഇതും ചെയ്തത് എന്നതാണ് . പിന്നെ കൂടുതലായി ഒന്ന് കൂടി …. ഇൻസിഡന്റ് നടന്ന സമയം ഇവിടെ ഈ മൂന്ന് പേരും കൊലപാതകിയും പോയിട്ട് ഒരാൾ കൂടി ഉണ്ടായിരുന്നു എന്നാണ് എനിക്ക് തോന്നുന്നത് ….. ദാ ….. ”

ആ ഫോറൻസിക് വിദഗ്ധൻ അതും പറഞ്ഞ് ഒരു ചെറിയ കവർ പാക്കറ്റ് കാണിച്ചു കൊടുത്തു ….

” ഈ നീളൻ തലമുടി , ഇത് ഇവിടെ വരാൻ ചാൻസ് വളരെ കുറവാണ് , പിന്നെ ഇതിൽ മണ്ണും പൊടിയുമൊന്നും അധികം പറ്റിയിട്ടുമില്ല , അതിനർത്ഥം ഇത് തലയിൽ നിന്ന് കൊഴിഞ്ഞ് വീണിട്ട് മണിക്കൂറുകൾ മാത്രമേ പിന്നിട്ടിട്ടുള്ളൂ …. ഈ ഇൻസിഡന്റ് നടന്ന സമയം ഇവിടെ ഒരു സ്ത്രീയുടെ പ്രസൻസ് ഉണ്ടായിട്ടുണ്ട് എന്നാണ് എന്റെ ഒരു തോന്നൽ …. ”

അയാൾ അത് പറഞ്ഞതും രഘുറാം Sl യുടെ മുഖത്തേയ്ക്ക് നോക്കി …..