✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1166

” അതുകൊണ്ടല്ല ആന്റി ….. പരീക്ഷയുടെ പ്രിപ്പേഷനും അതിന്റെ തിരക്കും പിന്നെ അച്ഛന്റെ ജോലി തിരക്കും , സമയം കിട്ടാത്തതു കൊണ്ടാ ….. ”

അവളൊരു പുഞ്ചിരിയോടെ പറഞ്ഞു ….

” മോളിരിക്ക് ഞാൻ ചായ എടുക്കാം ….. ”

സാവിത്രി പറഞ്ഞു …..

” ചായ ഇപ്പൊ വേണ്ട ആന്റി …. എന്തായാലും ഉച്ചഭക്ഷണം കഴിഞ്ഞേ ഞാൻ മടങ്ങു അത് പോരെ ? അല്ല അർച്ചനയെവിടെ അവളെ കണ്ടില്ലല്ലോ ….. ? ”

ദക്ഷ സാവിത്രിയോട് ചോദിച്ചു …..

” അത് പറയാത്തതാ നല്ലത് ….. രാത്രി വന്നപ്പൊതൊട്ട് മുറീലാ , രാവിലെ എണീറ്റിട്ട് യാത്രാക്ഷീണം ഉണ്ടെന്ന് പറഞ്ഞ് വീണ്ടും മുറിയിലോട്ട് പോയി …. മുൻപൊക്കെ വീട്ടിൽ എത്തിയാലുടൻ എന്റെ പുറകെ കൂടുന്നതാ ഓരോരോ വിശേഷവും പറഞ്ഞ് ….. ട്രെയിനിലെ ഉറക്കം ശരിയായി കാണത്തില്ല , പാവം …. അവള് മുറിയിലുണ്ട് മോള് അങ്ങോട്ട് പൊയ്ക്കോ , എനിക്ക് അടുക്കളയിൽ കുറച്ച് പണി കൂടിയുണ്ട്
ഊണ് കാലായിട്ട് ഞാൻ വന്ന് വിളിക്കാം ….. ”

സാവിത്രി ഒരു പുഞ്ചിരിയോടെ പറഞ്ഞ ശേഷം അടുക്കളയിലേയ്ക്ക് നടന്നു ദക്ഷ നേരെ അർച്ചനയുടെ മുറിയിലേയ്ക്കും .

ചാരിയിട്ടിരുന്ന വാതിൽ തള്ളി തുറന്ന് അകത്തേയ്ക്ക് കയറിയ ദക്ഷ കാണുന്നത് ദൂരേയ്ക്ക് നോക്കി എന്തോ ചിന്തയിൽ മുഴുകി ബെഡ്ഡിലിരിക്കുന്ന അർച്ചനയെയാണ് , താൻ വന്നത് പോലും അവളറിഞ്ഞിട്ടില്ല എന്ന് ദക്ഷയ്ക്ക് മനസ്സിലായി .