✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1166

അവൾ പതിയെ മുന്നോട്ട് നടന്നു ….

” ഠോ …… ”

അർച്ചനയുടെ അടുത്തെത്തിയ ശേഷം ദക്ഷ ഉച്ചത്തിൽ ശബ്ദമുണ്ടാക്കി , അപ്പോഴാണ് അർച്ചന ചിന്തവിട്ട് ഉണർന്നത് ….

” നീ എപ്പൊ വന്നു ? ”

മുന്നിൽ നിൽക്കുന്ന ദക്ഷയെ കണ്ടതും അർച്ചന ഞെട്ടലോടെ ചോദിച്ചു … ആ ചോദ്യം കേട്ട് ദക്ഷ അവളുടെ മുഖത്തേയ്ക്ക് സൂക്ഷിച്ച് നോക്കി ….

” ഹമ് …. ഞാൻ വന്നിട്ട് കുറച്ച് നേരമായി ….. എന്താ മോളെ ഒരു ആലോചന . അതും മുറയിൽ ഒരാള് കയറി വന്നത് പോലും അറിയാതെയുള്ള ആലോചന ….. ആരാടീ അവൻ ? ”

ദക്ഷ ഒരു പുഞ്ചിരിയോടെ ചോദിച്ചു ….

” ഏവൻ ? ”

ഒന്നും മനസ്സിലാകാത്ത ഭാവത്തിൽ അർച്ചന തിരിച്ച് ചോദിച്ചു ….

” നീ മനസ്സിൽ ഏതവനെ ആലോചിച്ചാ സ്വയം മറന്ന് ഇരിക്കുന്നതെന്ന് ? ”

ദക്ഷ ഉടനെ ചോദിച്ചു ….

” ഒന്ന് പോടീ ….. ഇത് അതൊന്നുമല്ല ……. ”

അർച്ചന ഉടനെ മറുപടി പറഞ്ഞു ….

” അല്ലാതെ പിന്നെ എന്താ …… ? അമ്മ പറഞ്ഞു നീ മുറിവിട്ട് പുറത്തോട്ട് പോലും ഇറങ്ങുന്നില്ല എന്ന് …… ”

” അത് യാത്രാ ക്ഷീണം കാരണമാടീ…… ഞാൻ ആലോചിച്ചിരുന്നത് മറ്റൊന്നാ ….. നീ ന്യൂസ്സ് കണ്ടില്ലേ …. ? ”

അർച്ചന ഉടനെ ചോദിച്ചു ….

” മ് …. കണ്ടു ….. രാവിലെ തന്നെ വിവരം അറിഞ്ഞു ….