✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1166

അച്ഛന്റെ ജീവിതം തന്നെ ഈ ജോലിയല്ലേ , അച്ഛന്റെ ഡ്രീം …. അച്ഛൻ എന്നോട് തന്നെ പലതവണ പറഞ്ഞിട്ടുള്ളതല്ലേ ഇതുവരെ എത്താൻ അനുഭവിച്ച കഷ്ടപ്പാടുകളെ കുറിച്ചൊക്കെ , എന്നിട്ട് വെറും ഒരു നിമിഷത്തെ ചിന്തയിൽ ജോലി ഉപേക്ഷിക്കുന്നു എന്നൊക്കെ പറഞ്ഞാൽ . അച്ഛാ വെറുതെ ഒളിച്ചോടരുത് , അവനെ കുറിച്ച് അച്ഛൻ തന്നെ അന്വേഷിക്കണം അവനെ കണ്ട് പിടിക്കണം അതിപ്പൊ ആ കേസ്സ് ഏത് സെൻട്രൽ ഏജൻസിക്ക് പോയാലും ശരി ….. ”

ദക്ഷ വാശിയോടെ പറഞ്ഞു …..

” മോളെ ….. ഓരോ കേസിന് പുറകേ പോവുമ്പോഴും മുകളിൽ നിന്നുള്ള പ്രഷർ അത് വളരെയധികമാ . മോള് ഒരു IPS ഓഫീസർ ആകുമ്പോഴെ അതിന്റെ ആഴം മനസ്സിലാകൂ …. പിന്നെ ഇപ്പോഴത്തെ തീരുമാനത്തിന് കാരണം ഈ കേസ്സ് അല്ല …….

കുറേ നാളായി ചിന്തിക്കുന്നതാ ഇതങ്ങ് അവസാനിപ്പിച്ചാലോന്ന് …… നിന്റെ അമ്മ ഉണ്ടായിരുന്ന കാലത്ത് അവളുടെ ഏറ്റുവും വലിയ പരാതിയായിരുന്നു എന്റെ ഈ ജോലി തിരക്ക് …. എന്നെ വിശ്വസിച്ച് ഇറങ്ങി വന്ന പെണ്ണായിരുന്നിട്ടും കൂടി അവളോടൊപ്പം ചിലവഴിക്കാനോ സന്തോഷിക്കാനോ എനിക്ക് സമയം കണ്ടെത്താൻ കഴിഞ്ഞിട്ടില്ല , അതിന്റെ ആഴവും വേദനയും എനിക്ക് മനസ്സിലായത് അവളെന്നെ വിട്ട് പോയതിന് ശേഷമാ …..

ഇനിയുള്ള കുറച്ച് വർഷം അത്രയെങ്കിലും അവളെ അടക്കിയ മണ്ണിൽ പഴയ ഓർമ്മകളിൽ എനിക്ക് സ്വസ്ഥമായി കഴിയണം …..