✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1163

രഘുറാം D G P യോട് പറഞ്ഞു . അത് കേട്ടതും മന്ത്രിയും അയാളെ ഒന്ന് നോക്കി ……

” സർ പറഞ്ഞത് ശരിയാ അന്വേഷിച്ച എല്ലാ കേസുകളും തെളിയിച്ചു എന്ന ഒറ്റ കാരണത്താലാണ് പോലീസ് ഫോഴ്സിന് മുഴുവൻ തലവേദനയും നാണക്കേടുമായി മാറിയ ഈ കേസ് എന്നെ ഏൽപ്പിച്ചത് , പക്ഷെ നിങ്ങൾ ഒന്ന് മനസ്സിലാക്കണം ഒരു വശത്ത് കൊലയാളിയായി നിൽക്കുന്ന അയാളും മറുവശത്ത് അതന്വേഷിക്കാൻ നിൽക്കുന്ന ഞാനും മനുഷ്യനാണ് അല്ലാതെ എനിക്ക് എക്സ്ട്രാ ഓർഡനറി കഴിവുകളൊന്നും ദൈവം തന്നിട്ടില്ല .

പിന്നെ ‘ പറ്റില്ലെങ്കിൽ കളഞ്ഞിട്ട് പോണം മിസ്റ്റർ ‘ എന്ന സാറിന്റെ പ്രയോഗം അതെനിക്കിഷ്ടപ്പെട്ടു , അതെ സർ ഞാൻ സർവ്വീസിൽ നിന്നും റിസൈൻ ചെയ്യാൻ തീരുമാനിച്ചു , അതു കൂടി പറയാനാ ഇങ്ങോട്ട് വന്നത് ….. ”

രഘുറാം ഉറച്ച വാക്കുകളോടെ മന്ത്രിയെ നോക്കി പറഞ്ഞു . അത് കേട്ടതും മന്ത്രിയും DGP യും മറ്റ് ഓഫീസേഴ്സും ഒന്ന് ഞെട്ടി …..

” രഘുറാം ഒരു കേസിന്റെ പേരിൽ ജോലി രാജി വെയ്ക്കുക എന്നൊക്കെ പറഞ്ഞാൽ അതും തന്നെ പോലത്തെ ഒരു എഫിഷെൻസി ഓഫീസർ …. ? ”

ആ ഞെട്ടലിൽ DGP ചോദിച്ചു ….

” ഈ കേസ് എനിക്കൊരു പരാജയം തന്നെയാണ് സർ , എല്ലാ അർത്ഥത്തിലും ….. പിന്നെ ഞാൻ റിസൈൻ ചെയ്യാൻ തീരുമാനിച്ചത് , അത് പെട്ടെന്ന് എടുത്ത ഒരു തീരുമാനമല്ല മാസങ്ങളായി മനസ്സിൽ ഉണ്ടായിരുന്നതാ , ഈ കേസ് അതിനൊരു നിമിത്തമായി എന്ന് മാത്രം …
പിന്നെ സർ …. ”