✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1163

                      ********************

അടുത്ത ദിവസം ആ നാടുണർന്നത് ഞെട്ടിപ്പിക്കുന്ന ആ വാർത്ത കേട്ടുകൊണ്ടായിരുന്നു ….. ആ അജ്ഞാതനായ കൊലയാളിയുടെ കയ്യാൽ മൂന്ന് പേർ കൂടി കൊല്ലപ്പെട്ടിരിക്കുന്നു എന്ന ഞെട്ടിപ്പിക്കുന്ന വാർത്ത …..

മെയിൻ റോഡിൽ നിന്നും മാറി ആൾ പാർപ്പില്ലാത്ത ആ സ്ഥലത്ത് രാവിലെ തന്നെ വിവരമറിഞ്ഞ് ജനങ്ങൾ തിങ്ങി നിറഞ്ഞിരുന്നു , വലിയ വാനുകളിലെത്തിയ പോലീസ് ഫോഴ്സ് ജനങ്ങളെ സംഭവ സ്ഥലത്തേയ്ക്ക് അടുപ്പിക്കാതിരിക്കാൻ ബാരിക്കേടുകളുമായി വരിവരിയായി നിന്ന് കിടഞ്ഞ് പരിശ്രമിക്കുകയാണ് , ഒപ്പം ആരും അങ്ങോട്ട് കടക്കാതിരിക്കാൻ കൊലപാതകം നടന്ന സ്ഥലം മുഴുവൻ കയറ് കെട്ടി തിരിച്ചിരിക്കുകയാണ് , ഫോറൻസിക് വിദക്തരും സംഭവ സ്ഥലത്തെത്തി പരിശോധന തുടങ്ങിയിരുന്നു ……

സംഭവം അറിഞ്ഞെത്തിയ വിവിധ മാധ്യമ പ്രവർത്തകരും അവരുടെ ഉദ്യമം ആരംഭിച്ചു , വാർത്താ വിവരങ്ങൾ കൂടുതൽ ആളുകളിലേയ്ക്ക് എത്തിക്കുക എന്ന ഉദ്യമം .

അപ്പോഴേയ്ക്കും ഒരു ഇന്നോവ കാർ അവിടേയ്ക്ക് എത്തി ….. ബാരിക്കേഡുകളുമായി നിന്ന പോലീസുകാർ ആ കാറ് കണ്ടതും ഉടനെ ആ കാറിന് അകത്തേയ്ക്ക് പോകാനുള്ള വഴിയൊരുക്കി കൊടുത്തു ….. ഒടുവിൽ പോലീസ് വലിച്ച് കെട്ടിയിരിക്കുന്ന ആ കയറിന് മുന്നിലായി ആ കാർ ചെന്ന് നിന്നു ……