✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1166

” സർ , ഓഫീസിലേയ്ക്കല്ലേ …..? ”

” അല്ലെടോ താൻ നേരെ വണ്ടി വീട്ടിലേയ്ക്ക് വിട് ….. എനിക്കൊന്ന് ഉറങ്ങണം മനസ്സമാധാനത്തോടെ …… ”

രഘുറാം ഡ്രൈവറോട് പറഞ്ഞു , ശേഷം പതിയെ കാറ് അവിടെ നിന്ന് മുന്നോട്ട് നീങ്ങി തുടങ്ങി …..

                      ********************

അർച്ചനയുടെ വീട് ……

അടുക്കളയിൽ തിരക്കിട്ട പാചകത്തിലായിരുന്നു അർച്ചനയുടെ അമ്മ സാവിത്രി …. അപ്പോഴാണ് അവർ വീടിന്റെ കോളിങ് ബെൽ മുഴങ്ങുന്ന ശബ്ദം കേട്ടത് …..

” ആരാണാവോ ഈ നേരത്ത് ? ”

സ്വയം മനസ്സിൽ ചോദിച്ച് സാരിത്തുമ്പുകൊണ്ട് കഴുത്തിലെ വിയർപ്പ് ഒപ്പിയെടുത്ത ശേഷം അവർ അടുക്കളയിൽ നിന്ന് ഹാളിലേയ്ക്ക് നടന്നു , ശേഷം മുൻവശത്തെ വാതിൽ തുറന്നു …..

” അല്ല ഇതാര് ദക്ഷ മോളോ ……. ”

പുഞ്ചിരിയോടെ തന്നെ നോക്കി നിൽക്കുന്ന ആ ആളിനെ കണ്ട് സന്തോഷത്തോടെ സാവിത്രി പറഞ്ഞു …..

” മോള് കയറി വാ ….. ”

അവരതും പറഞ്ഞ് ദക്ഷയെ അകത്തേയ്ക്ക് ക്ഷണിച്ചു ….

” സുഖം തന്നെയല്ലേ എന്റെ സാവിത്രി അന്തർജനത്തിന് …. ? ”

ദക്ഷ തമാശമട്ടിൽ ചോദിച്ചു …..

” ഓ പിന്നെ പരമ സുഖം …. അല്ല അർച്ചന ജോലി കിട്ടി പോയതോടെ നീ ഞങ്ങളെയൊക്കെ മറന്നോ , ഇപ്പൊ ഇങ്ങോട്ട് കാണാറെയില്ല …..? ”

സാവിത്രി പരിഭവമട്ടിൽ ചോദിച്ചു ….