✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1166

” എന്തായാലും അതൊരു തെറ്റായ തീരുമാനമെന്നേ ഞാൻ പറയൂ …. സർവ്വീസ് തീരാൻ ഇനിയും വർഷങ്ങൾ ഇല്ലേ അദ്ദേഹത്തിന് , അതിന് മുൻപ് … ആ അതൊക്കെ പോട്ടെ …. മോള് വെറുതെ വന്നതാണോ ….? ”

ജയരാജ് കാര്യമറിയാനായി ചോദിച്ചു .

” വെറുതയെല്ല , ചില കാര്യങ്ങൾ അറിയാനും പിന്നെ ചില ഹെൽപ്പും വേണം ….. ”

” എന്താ മോളെ , പറഞ്ഞോ എന്താ കാര്യം ? ”

ജയരാജ് ഗൗരവത്തോടെ ചോദിച്ചു ….

” അങ്കിളെ ഇന്നലെ രാത്രി കൊല്ലപ്പെട്ടില്ലേ അവരുടെ ബാക്ക്ഗ്രൗണ്ട് എങ്ങനെയാ …. അവരുടെ പേരിൽ എന്തെങ്കിലും കേസ്സുണ്ടോ ? ”

ദക്ഷ ആകാംഷയോടെ ചോദിച്ചു ….

” ഹ …. ഹ ….. നല്ല ചോദ്യം …… നല്ല ഒന്നാന്തരം ക്രിമിനൽസാ അവന്മാര് ……. ഡ്രഗ് സീൽസ് , കള്ളക്കടത്ത് , പെൺകുട്ടികളെ തട്ടിക്കൊണ്ട് പോകൽ പിന്നെ അതിന്റെ പേരിൽ പണം തട്ടൽ അങ്ങനെയങ്ങനെ ഒരുപാട് കേസുകൾ ….. ആദ്യം ചില കേസുകളിൽ ഇവന്മാർ ശിക്ഷിക്കപ്പെട്ടിട്ടുണ്ട് പക്ഷെ പിന്നീടതുണ്ടായിട്ടില്ല . ശരിയായ തെളിവുകൾ ഇല്ലാത്തതിന്റെ പേരിൽ എത്ര തവണ രക്ഷപ്പെട്ടിട്ടുണ്ടെന്നറിയാമോ …..

ഇവന്മാരെ സംരക്ഷിക്കാൻ പുറകിൽ ആരൊക്കെയോ ഉണ്ടെന്ന് പലപ്പോഴും എനിക്ക് തോന്നിയിട്ടുണ്ട് , എപ്പോഴൊക്കെ സംശയത്തിന്റെ പേരിൽ അവന്മാരെ അറസ്റ്റ് ചെയ്തിട്ടുണ്ടോ അപ്പോഴൊക്കെ മുകളിൽ നിന്ന് വിളിയും വന്നിട്ടുണ്ട് അവന്മാരെ റിലീസ് ചെയ്യണമെന്നും പറഞ്ഞ് , തീരേണ്ടവന്മാർ തന്നെയാ തീർന്നത് …. ”

ജയരാജ് പറഞ്ഞു …..