✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1166

” ഏതിൽ നിന്ന് ? ”

” പറയാം നീ പോയി ആ വാതിലടച്ചിട്ട് വാ …. ”

അർച്ചന അത് പറഞ്ഞതും ദക്ഷ എണീറ്റ് റൂമിന്റെ വാതിലടച്ച് കുറ്റിയിട്ട ശേഷം അവളുടെ അടുത്ത് ബെഡ്ഡിലായി ചെന്നിരുന്നു …..

” ഇന്നലെ ആ സംഭവം നടക്കുമ്പോ …. ആ മൂന്നുപേരും കൊല്ലപ്പെടുമ്പോൾ ഞാനും അവിടെ ഉണ്ടായിരുന്നു . എന്റെ കൺമുന്നിൽ വച്ചാ അയാൾ അവരെ മൂന്ന് പേരെയും കൊന്നത് … ? ”

അർച്ചന അവളുടെ മുഖത്ത് നോക്കി പറഞ്ഞു …. അത് കേട്ടതും ദക്ഷ ഒരു ഞെട്ടലോടെ അവളെ നോക്കി ….

” നീ ….. നീ എന്താ പറഞ്ഞേ ? ”

കേട്ടത് വിശ്വസിക്കാനാകാതെ ദക്ഷ ചോദിച്ചു ….

” അതേടീ …… ”

അർച്ചന ഒരോന്നോരോന്നായി ദക്ഷയ്ക്ക് പറഞ്ഞ് കൊടുത്തു , തലേ ദിവസം രാത്രി നടന്ന എല്ലാ കാര്യങ്ങളും വിശദമായി ….. എല്ലാം കേട്ട് കഴിഞ്ഞതിന് ശേഷവും ഒരു ഞെട്ടലിൽ തന്നെയായിരുന്നു ദക്ഷ ……

” നീ പറഞ്ഞത് എനിക്ക് വിശ്വസിക്കാൻ പറ്റുന്നില്ല … ”

ദക്ഷ അവളോട് പറഞ്ഞു …

” വിശ്വസിക്കണം , എല്ലാം ഞാനിന്നലെ നേരിട്ട് അനുഭവിച്ചതാ ….. അയാൾ ആ സമയം അവിടെ വന്നില്ലായിരുന്നെങ്കിൽ , ആ മൂന്ന് പേരും പിച്ചിചീന്തി കൊന്ന എന്റെ മരണവാർത്ത ഇന്ന് ന്യൂസിൽ നിറഞ്ഞ് നിന്നേനെ ….. ”

അത് പറഞ്ഞപ്പോഴേയ്ക്കും അവളുടെ കണ്ണുകൾ നിറഞ്ഞു …..