✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1166

” ഇത്രയും ദിവസം ഒരു ക്രൂരനായ കൊലയാളിയുടെ രൂപമായിരുന്നു മനസ്സിൽ …. പക്ഷെ , ഇപ്പൊ നീ പറഞ്ഞതൊക്കെ കേട്ടപ്പോ …. സത്യത്തിൽ അയാളാരാ …. ? എന്തിനാ ഇതൊക്കെ അതും പത്ത് പതിനാല് കൊലപാതകം , ഒരു തെളിവും ബാക്കി വയ്ക്കാതെ …… ”

ദക്ഷ അൽഭുതത്തോടെ പറഞ്ഞു ….

” അയാൾ ആരാ എന്താ എന്നൊന്നും അറിയില്ല പക്ഷെ ഒരുപാട് ചിന്തിച്ചപ്പോ ഈ കൊലപാതകങ്ങളുടെ കാരണം മനസ്സിലായി , പക പിന്നെ പ്രതികാരം ….. അയാളുടെ കണ്ണുകളിൽ ഞാൻ കണ്ടതാ ആളിക്കത്തുന്ന പക . ഈ കൊല്ലപ്പെട്ടവരും അയാളും തമ്മിൽ എന്തോ പ്രശ്നമുണ്ട് അതുറപ്പാ …. പിന്നെ ആ ദുഷ്ടനെ കൊല്ലുന്നതിന് മുൻപ് അയാൾ അവന്റെ ചെവിയിൽ പറഞ്ഞത് ഞാൻ കേട്ടതാ

‘എന്റെ പെങ്ങൾക്ക് വേണ്ടി ….. ഇനി ഒരു പെണ്ണിനും എന്റെ പെങ്ങളുടെ അവസ്ഥ വരാതിരിക്കാൻ , ഒരു ജീവൻ കൂടി നഷ്ടപ്പെടാതിരിക്കാൻ . നീയൊക്കെ കാരണം ജീവൻ നഷ്ടപ്പെടുത്തേണ്ടിവന്ന അവളുടെ ആത്മാവിനെങ്കിലും മോക്ഷം കിട്ടാൻ ….. ‘

എന്ന് . അതിനർത്ഥം അയാളുടെ പെങ്ങളുടെ മരണത്തിന് അവർ കാരണമായി എന്നല്ലേ ….. പക്ഷെ ….. ”

അർച്ചന പറഞ്ഞ് നിർത്തി …… ഇതെല്ലാം കേട്ട് എന്തോ ആലോചനയിൽ മുഴുകി ഇരിക്കുകയാണ് ദക്ഷ ……