✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1163

പെട്ടെന്ന് ഒരു പഴയ പത്രം അവളുടെ കയ്യിൽ തടഞ്ഞു , അതിനിടയിൽ നിന്ന് ആ പത്രം പുറത്തേയ്ക്ക് വലിച്ചെടുക്കാൻ ശ്രമിച്ചതും പെട്ടെന്ന് അവളുടെ കണ്ണുകളിൽ ഒരു ദൃശ്യം തെളിഞ്ഞു വന്നു ….

താൻ എവിടെയോ ഒരിടത്ത് വീണ് കിടക്കുകയാണ് ഒന്ന് എഴുന്നേൽക്കാൻ പോലും പറ്റാത്ത അവസ്ഥയിൽ . സഹായത്തിനായി അവൾ ചുറ്റും നോക്കി പക്ഷെ അവിടെ ആരും തന്നെ ഉണ്ടായിരുന്നില്ല . സങ്കടം കൊണ്ട് അവളുടെ കണ്ണുകളിൽ നിന്ന് കണ്ണു നീർ തുള്ളികൾ നിറഞ്ഞ് തുളുമ്പാൻ തുടങ്ങിയിരുന്നു ….

പെട്ടെന്ന് തന്നെ താങ്ങിയെഴുന്നേൽപ്പിക്കാൻ ആരോ ഒരു കൈ തന്റെ നേരെ നീട്ടി ….. ആ കയ്യിൽ നിരവധി മുറിവുകൾ പറ്റിയിട്ടുണ്ടായിരുന്നു , ഒപ്പം ആ മുറിവിൽ നിന്നും രക്തം വാർന്നൊഴുകുന്നുമുണ്ട് …. അവൾ മുഖമുയർത്തി നോക്കി തന്റെ മുന്നിൽ നിൽക്കുന്നതാരെന്നറിയുവാനായി , അതൊരു യുവാവായിരുന്നു . വ്യത്യസ്തമായ വേഷം ധരിച്ച ഒരു യുവാവ് …. ആ യുവാവിന്റെ പുറകിലായി ആകാശത്ത് സൂര്യൻ കത്തി ജ്വലിച്ച് നിൽക്കുന്നു , ആ സൂര്യപ്രകാശം ആ യുവാവിന്റെ മുഖത്തേയ്ക്ക് നോക്കാൻ കഴിയാത്ത വിധം അവളെ പ്രയാസപ്പെടുത്തി , അത് കാരണം അവൾക്ക് ആ യുവാവിന്റെ മുഖം വ്യക്തമായി കാണാൻ കഴിഞ്ഞില്ല .

പെട്ടെന്ന് ,