✮കൽക്കി࿐ (ഭാഗം – 2) വിച്ചു [ ചെകുത്താനെ സ്നേഹിച്ച മാലാഖ ] 1166

അച്ഛൻ അങ്ങോട്ട് പോയിരിക്കുവാ …. ഈ കേസ്സ് കയ്യിൽ വന്ന ശേഷം എപ്പോഴും ടെൻഷനിലാ പാവം …. നേരവണ്ണം ഒന്ന് ഉറങ്ങാൻ കൂടി പറ്റുന്നില്ലെന്നാ എന്നോട് പറഞ്ഞത് . ഇതുവരെ ഒരു തുമ്പു പോലും കണ്ടുപിടിക്കാൻ പറ്റിയില്ലല്ലോ അതാ …..

ഈ ജാപ്പനീസ് നിൻജ എന്തിനാ ഇവിടെയുള്ളവരെ കൊല്ലുന്നതെന്നാ എത്ര ആലോചിച്ചിട്ടും എനിക്ക് പിടികിട്ടാത്തത് …. ”

ദക്ഷ സ്വയം പറഞ്ഞു ….

” അയാൾ ജാപ്പനീസ് അല്ല തനി മലയാളിയാ …. ”

ചുവരിലേയ്ക്ക് നോക്കി എന്തോ ആലോചിച്ചിരുന്ന അർച്ചന പെട്ടെന്ന് പറഞ്ഞു …

” നീ എന്താ പറഞ്ഞേ ? ”

ഒരു ഞെട്ടലോടെയാണ് ദക്ഷ ചോദിച്ചത് ….

” എന്ത് ? ഞാൻ …… ഞാനൊന്നും പറഞ്ഞില്ല , നിനക്ക് തോന്നിയതാകും ….. ”

പെട്ടെന്ന് നാവിൽ നിന്ന് വീണ് പോയ ആ കാര്യം മറച്ച് പിടിക്കാനായി അർച്ചന പറഞ്ഞു ….

” നീ ഒളിക്കണ്ട …. വന്ന സമയം മുതലേ ഞാൻ ശ്രദ്ധിക്കുവാ നീ ഈ ലോകത്തിലല്ല ….. നിനക്കെന്തോ പറ്റിയിട്ടുണ്ട് …. സത്യം പറ അച്ചൂ …. എന്താ നിന്റെ പ്രശ്നം , നീ എന്താ അയാൾ ജാപ്പനീസ് അല്ല തനി മലയാളിയാ എന്ന് പറഞ്ഞേ …. പറ അച്ചൂ എന്താ പറ്റിയേ …. എന്നെ വിശ്വാസമുണ്ടെങ്കിൽ പറ ….. ”

ദക്ഷ അവളോട് കടുപ്പിച്ച് ചോദിച്ചു ….

” വിശ്വാസക്കുറവുണ്ടായിട്ടല്ലെടീ …. ഞാനതിൽ നിന്ന് ഇതുവരെ റിക്കവർ ആയിട്ടില്ല ….. ”

അർച്ചന പറഞ്ഞു …..