മാന്ത്രികലോകം 8 [Cyril] 2317

ഇതൊന്നും കാണുകയോ കേള്‍ക്കുകയോ ചെയ്യാത്ത സുല്‍ത്താനും കൂട്ടരും, ഭൂമിയില്‍ ചലനമറ്റ് കിടന്ന മാന്ത്രികരുടെ ഹൃദയത്തിൽ ആയുധങ്ങള്‍ കടത്തി…

രണ്ടു ചെന്നായ്ക്കളും അവരുടെ കഴുത്തും വയറും കടിച്ചു പറിച്ചു…

അവസാനം സുല്‍ത്താനും ജാസരും അഖിലും ചേര്‍ന്നു മാന്ത്രികരുടെ ഹൃദയത്തെ നശിപ്പിച്ചു… ദനീറും സിദ്ധാര്‍ത്ഥും അവരുടെ തലയെ വെട്ടിമാറ്റി…

ആ മാന്ത്രികരും മണ്ണ് പോലെ പൊടിഞ്ഞു.. എന്നിട്ട് അപ്രത്യക്ഷമായി…

അതിനുശേഷമാണ് അവരെല്ലാവരും മറ്റുള്ള രണ്ട് മാന്ത്രികരെ തിരഞ്ഞത്…

പക്ഷേ, രണ്ട് ഹൃദയത്തെ കൈയില്‍ പിടിച്ചു ഞെരിച്ചു പൊട്ടിക്കുന്ന ഫ്രെന്നിനെയാണ് അവർ കണ്ടത്…

അത് കണ്ടു ഞെട്ടിയവർ തറഞ്ഞു നിന്നു… എന്നിട്ട് ഞങ്ങൾക്ക് നേരെ മിഴിച്ചു നോക്കി… പക്ഷേ ഞങ്ങളുടെയും അവസ്ഥ മറ്റൊന്നായിരുന്നില്ല….

ഫ്രെന്നിന്റെ കൈയിൽ ഉണ്ടായിരുന്ന ആ ഹൃദയങ്ങളും അവസാനം അന്തരീക്ഷത്തില്‍ അലിഞ്ഞ് ചേര്‍ന്നു…

ഉടനെ അഗ്നിശുദ്ധി വരുത്താൻ എന്നപോലെ അവന്റെ രണ്ടു കൈയും കത്തിയെരിഞ്ഞു കൊണ്ട് അണഞ്ഞു….

എന്നിട്ട് ഞങ്ങളെ മറന്ന് പോയതു പോലെ ഫ്രെൻ എന്തോ ചിന്തിച്ചു കൊണ്ട് നിന്നു..

തുടക്കം തൊട്ട് അവസാനം വരെയുള്ള അവന്റെ പ്രവര്‍ത്തി കണ്ടു ഞങ്ങൾക്ക് ചെറിയൊരു ഭയം മനസില്‍ തോന്നി… ഇനി ഒഷേദ്രസ് അവനെ നിയന്ത്രിക്കുകയൊ മറ്റോ ചെയ്യുകയാണൊ എന്ന ഭയം..

“ഫ്രെൻ…?” അഗ്നി അവന്റെ പേര് വിളിച്ചുകൊണ്ട് മെല്ലെ അവന്റെ അടുത്തേക്ക് പോയി…

ഉടനെ ഫ്രെൻ അഗ്നിയെ നോക്കി… എന്നിട്ട് ഞങ്ങളെയും…

ഞങ്ങളുടെ മുഖത്ത് തെളിഞ്ഞു നിന്ന സംശയം കണ്ടിട്ട് അവന്‍ ചിരിച്ചു..

“ഒഷേദ്രസ് എന്നെ നിയന്ത്രിക്കുന്നു എന്ന് ആരും പേടിക്കേണ്ട…. ചില നിഗൂഢ ശക്തികളുടെ നിഗൂഢ നിയമങ്ങളും സത്യങ്ങളും ഞാൻ നേരത്തെ മനസ്സിലാക്കിയിരുന്നു… അതുകൊണ്ട്‌ എന്റെ ശക്തി വര്‍ധിച്ചു എന്നു തോനുന്നു…” അവന്‍ പറഞ്ഞു.

അവന്‍ പറഞ്ഞതിന്റെ അര്‍ത്ഥം ആര്‍ക്കും മനസിലായില്ല… പക്ഷേ ഞങ്ങള്‍ക്കും ആശ്വാസം തോന്നി.

“മറ്റെ രണ്ടു മാന്ത്രികരും ഇങ്ങോട്ട് വരുന്നുണ്ട്… എട്ടു മനുഷ്യരെയും കൊണ്ട്… പത്തു മിനിറ്റു കൊണ്ട്‌ അവർ ഇവിടെ എത്തും…” ഫ്രെൻ പറഞ്ഞു.

“അവരെ ഞങ്ങൾ നോക്കിക്കോളാം, ഫ്രെൻ… നി തല്‍കാലം ആരെയും കൊല്ലേണ്ട…” ദനീർ ആശങ്കയോടെ പറഞ്ഞു.

അവന്റെ ഈ വേഗവും… നിസ്സാരമായി മാന്ത്രികരെ വെറും കൈ കൊണ്ട് കൊന്നതും… ഞങ്ങളെ തെല്ല് ആശങ്കപ്പെടുത്തി എന്നതാണ് സത്യം.