മാന്ത്രികലോകം 8 [Cyril] 2317

‘സൂക്ഷിക്കുക.. അവരുടെ ആ വാളിന് ഘാതകവാളിന്റെ അത്രയും ശക്തിയുണ്ട്… അവർക്കെതിരായി നിങ്ങൾ പ്രയോഗിക്കുന്ന കുറഞ്ഞ ശക്തികളെ അവര്‍ക്ക് ആ വാള്‍ ഉപയോഗിച്ച് നിർവീര്യമാക്കാൻ കഴിയും… അതുകൊണ്ട് കഴിയുന്നതും നിങ്ങളുടെ ആത്മാവില്‍ കടന്ന് നിങ്ങളുടെ ആത്മീയ ശക്തിയെ പ്രയോഗിക്കു…’ ഫ്രെൻ വളരെ ഗൗരവത്തിൽ ഞങ്ങളുടെ മനസ്സില്‍ പറഞ്ഞു.

“മാന്ത്രികരുടെ യുദ്ധത്തിൽ നിനക്ക് സ്ഥാനമില്ല, മനുഷ്യ…. അതുകൊണ്ട്‌ നിന്നെ ഞാൻ മറ്റുള്ള മനുഷ്യരുടെ കൂട്ടത്തില്‍ ചേര്‍ക്കാം…” മാന്ത്രികരുടെ നേതാവ് ഇളിച്ചു കൊണ്ട് പറഞ്ഞു.

ഒരു സെക്കന്‍ഡ് എന്റെ ഭയം എല്ലാം മറഞ്ഞു.. എന്റെ മനസ്സിൽ ഞാൻ ചിരിച്ചു…. ഫ്രെന്നിനെ അത്ര നിസ്സാരമായി കാണുന്ന അവരെ ഓര്‍ത്തു പൊട്ടിച്ചിരിക്കാൻ തോന്നി…. ഞങ്ങളുടെ ശക്തിയും അത്ര മോശമല്ല…

വെള്ളി ഹൃദയം കൈക്കലാക്കാൻ പോയ ആ ശക്തി കുറഞ്ഞ മാന്ത്രികരല്ല ഞങ്ങളിപ്പൊ….

ഞങ്ങളും യുദ്ധത്തിന് തയാറായി…

ഞങ്ങളുടെ കൈയിൽ മാന്ത്രിക ആയുധങ്ങള്‍ പ്രത്യക്ഷപ്പെട്ടു…

പക്ഷേ ഫ്രെൻ മാത്രം ആയുധം ഒന്നുമില്ലാതെ ആ മാന്ത്രികരുടെ നേതാവിനെ ഒരു പുഞ്ചിരിയോടെ നോക്കി നിന്നു…

അവന്റെ ആ നില്‍പ്പ് മറ്റുള്ള മാന്ത്രികരേയും ചൊടിപ്പിച്ചു… അവർ അവനെ പുച്ഛത്തോടെ നോക്കി നിന്നു.

അന്നേരം ഞാൻ, ഹെമീറ, ഈഫിയ പിന്നെ ഫ്രേയ കൈ കോര്‍ത്ത്‌ കൊണ്ട് പരസ്പ്പരം നോക്കി പുഞ്ചിരിച്ചു… ഉടനെ എന്റെ ഉദ്ദേശ്യം മനസ്സിലാക്കിയത് പോലെ അവരും ചെറുതായി ചിരിച്ചു…

ഞങ്ങൾ എന്താണ് ചെയ്യാൻ പോകുന്നതെന്ന് മനസിലാക്കിയ ഞങ്ങളുടെ കൂട്ടുകാരും അവരുടെ കര്‍ത്തവ്യം പൂര്‍ത്തിയാക്കാന്‍ തയാറായി..

അടുത്ത് ആ മാന്ത്രികർ കണ്ണടച്ച് തുറക്കുന്ന നേരം കൊണ്ട് —,

ഞങ്ങള്‍ നാലുപേരും ഞങ്ങളുടെ ശക്തിയെ ഒന്നായി സ്വരൂപിച്ചു കൊണ്ട് അവരവരുടെ അവതാർ സൃഷ്ടിച്ച്… അവരവരുടെ ആത്മാവിലേക്ക് പ്രവേശിച്ചു…,

എന്നിട്ട് ഞങ്ങളുടെ ശക്തിയെയും മനസ്സിനെയും താല്‍ക്കാലികമായി ഒറ്റ ശക്തിയായി മാറ്റി…,

തികച്ച് ഇരുപതു നിമിഷം പോലും ഞങ്ങളുടെ ആത്മാവിനുള്ളിൽ ഞങ്ങൾക്ക് നിലനില്‍ക്കാന്‍ കഴിയില്ലെന്ന് ഞങ്ങള്‍ക്കറിയാം… അതുകൊണ്ട് എല്ലാം വേഗം തീര്‍ക്കണം… ഞങ്ങൾ ചിന്തിച്ചു.

ഉടനെ ഞങ്ങളുടെ ആത്മാവിനുള്ളിൽ നിന്നും പുറത്തേക്ക്‌ വന്‍തോതില്‍ ആത്മീയ ഊർജ്ജം വ്യാപിക്കാൻ തുടങ്ങി.

അതേ സമയം വലിയ അളവിലുള്ള ഞങ്ങളുടെ മനസ്സിന്റെ ഊർജ്ജവും ഞങ്ങളുടെ ആത്മീയ ഊര്‍ജ്ജത്തിൽ കലര്‍ന്ന് ഘനീഭവിക്കാൻ തുടങ്ങി…

ആ ശക്തിയെ ഞങ്ങൾ രണ്ട് മാന്ത്രികർക്ക് നേരെ പ്രയോഗിച്ചു….