നിയോഗം3 The Fate Of Angels Part X ( മാലാഖയുടെ കാമുകൻ) 2840

വണ്ടർ വേർഡിൽ വന്നത് മുതൽ സമാധാനം എന്താണ് എന്നറിഞ്ഞ ദിവസങ്ങൾ ആയിരുന്നു..

“ആരും സങ്കടപെടണ്ട.. നിങ്ങൾ എല്ലാവർക്കും എപ്പോൾ വേണമെങ്കിലും ഇവിടെ വരാം.. ജൂണിനെ വിളിച്ചാൽ മാത്രം മതി..നിങ്ങൾ ഞങ്ങൾക്ക് വേണ്ടപ്പെട്ടവർ ആണ്..”

ക്വീൻ പുഞ്ചിരിയോടെ പറഞ്ഞത് കേട്ടപ്പോൾ അവർ ചിരിച്ചു.. അത്രക്ക് ഇഷ്ടപ്പെട്ടു പോയിരുന്നു അവർക്ക് വണ്ടർ വേൾഡ്..

അവർ വന്നപ്പോൾ ഇട്ടിരുന്ന വേഷം തോഴിമാർ വൃത്തിയാക്കി വച്ചിരുന്നു.. അവർ അവരുടെ റൂമിലേക്ക് പോയി വേഷം മാറി..

അപ്പോഴാണ് ഓർക്കിഡ് മീനുവിനെയും കൂട്ടി വന്നത്.. അവരും ഉടനെ വേഷം മാറി..

ക്വീൻ അവളെ ചേർത്ത് പിടിച്ചു ചുംബിച്ചു.. തന്റെ മകളെ രക്ഷിച്ച അവളോട് കൂടുതൽ ഒന്നും അവർക്ക് പറയാൻ ഉണ്ടായിരുന്നില്ല..

ഉടനെ അവർ യാത്ര തിരിച്ചു.. റോഷന്റെ വേണ്ടപ്പെട്ടവരെ വണ്ടർ വേർഡിലെ ആളുകൾ സന്തോഷത്തോടെ യാത്രയാക്കി..

***

അവർ വന്ന വണ്ടി പൊതിഞ്ഞിരുന്ന വെളുത്ത പുക ജൂൺ ഒന്ന് ഊതിയപ്പോൾ മാറിപ്പോയി..

അന്ന് മെറിൻ വന്ന ഡുക്കാട്ടി കാണാൻ ഇല്ലായിരുന്നു..

മെറിൻ ജൂണിനെയും ഓർക്കിഡിനെയും ഒന്ന് നോക്കി.. അതിന് ശേഷം വണ്ടിയിൽ കയറി..

“വിളിച്ചാൽ എത്തും..”

ജൂൺ പുഞ്ചിരിയോടെ മെറിനോട് പറഞ്ഞു.. ജൂൺ മീനാക്ഷിയെ നോക്കി…

“നിനക്ക് ഉണ്ടാകുന്നത് പെൺകുട്ടി ആണെങ്കിൽ.. അവളെ ഞാൻ എന്നെക്കാളും മികച്ച ഒരു മന്ത്രവാദിനി ആക്കും.. ഓർക്കുക.. നിങ്ങളുടെ ജീവിതം ഒരിക്കലും സാധാരണ ജീവിതം ആകില്ല..”

ജൂൺ അവളുടെ മുഖം പിടിച്ചു ചുംബിച്ചു കൊണ്ട് പറഞ്ഞു.. മീനു ഒന്നും മിണ്ടാതെ അവളുടെ കവിളിൽ നുള്ളി…