നിയോഗം3 The Fate Of Angels Part X ( മാലാഖയുടെ കാമുകൻ) 2841

കിതപ്പോടെ അവർ അധരങ്ങൾ വിടർത്തി…

“ഐ ലവ് യു സ്കാർലെറ്റ്.. പക്ഷെ ഈ ചുംബനം അല്ലാതെ ഞാൻ പരിധി വിടില്ല.. അത്രക്ക് നീയെന്നെ സ്നേഹിക്കുന്നത് കൊണ്ടാണ് ശക്തി പോയാലും എന്റെ അടിമ ആയാലും പറഞ്ഞ വാക്ക് പാലിക്കണം എന്ന് നിനക്ക് തോന്നിയത്.. നോ.. അത് ഞാൻ സമ്മതിക്കില്ല.. സ്കാർലെറ് എന്നും ശക്ത ആയിരിക്കണം.. നിന്നെ സ്നേഹിക്കാൻ എനിക്ക് നിന്റെ ശരീരം വേണ്ട.. മനസ് മാത്രം മതി…”

അത് കേട്ടപ്പോൾ അവൾ പൊട്ടിക്കരഞ്ഞുകൊണ്ട് അവനെ ആഞ്ഞു പുണർന്നു… അവൾ അറിയുകയായിരുന്നു റോഷൻ എന്ന വെക്തി എന്തുകൊണ്ട് സർവ ലോകത്തിലും അറിയപെടുന്നവൻ ആയെന്ന്..

***

Kochi.

ഉപേക്ഷിച്ച നിലയിൽ കിടന്ന മേയറിന്റെ പേർസണൽ കാറിന്റെ അടുത്ത് ആയിരുന്നു മെറിനും ലിസയും.. ഉച്ച കഴിഞ്ഞിരുന്നു.

വേറെ ഒരു വണ്ടിയുടെ ടയർ പാട് അടുത്തുണ്ട്.. അതുകൊണ്ടു തന്നെ ചേസ് ചെയ്തു പുറകെ വന്നതാണ് എന്ന് അവർ വിലയിരുത്തി..

അവളെ എടുത്തുകൊണ്ടു പോയതുപോലെ കാല്പാടുകൾ ആഴത്തിൽ പതിഞ്ഞിരുന്നു.. ടിംബർലാൻഡ് ബൂട്ടിന്റെ അടയാളം അവർ കണ്ടു..

വേറെ അടയാളം ഒന്നുമില്ല.. ഫോൺ വണ്ടിയുടെ ഉള്ളിൽ തന്നെ ഉണ്ടായിരുന്നു..

“ടയർ പാട് കണ്ടിട്ട് ഇത് കനമുള്ള വണ്ടിയാണ് മെറിൻ.. ഫോർച്ചുണർ പോലെ ഒന്ന്…”

ലിസ പറഞ്ഞത് മെറിനും ശരിവച്ചു.. മെറിന് ഒരു കാൾ വന്നു.. അവൾ സംസാരിച്ച ശേഷം ഫോൺ വച്ചു..

“ഇന്ന് രാവിലെ പാലക്കാട് ഒറ്റപ്പാലം വച്ച് ഒരാൾ ഒരു കറുത്ത വണ്ടിയിൽ നിന്നും ഇറങ്ങി ഓടാൻ ശ്രമിച്ച പെണ്ണിനെ കണ്ടു എന്ന് ഒരു വിവരം.. സുന്ദരി ആയ പെണ്ണ്.. ഇളം നീല ചുരിദാർ വേഷം… ലിസ..മേയറുടെ വീട്ടിലേക്ക് ഒന്ന് വിളിക്ക്…”