നിയോഗം3 The Fate Of Angels Part X ( മാലാഖയുടെ കാമുകൻ) 2840

“ലിസ.. കാൾ ഫോർ ബാക്കപ്പ്….”

തിടുക്കത്തിൽ പറഞ്ഞുകൊണ്ട് മെറിൻ ഫോണിലെ ഫ്ലാഷ് ഓൺ ആക്കി… ഫോണിൽ സിഗ്നൽ ഇല്ലായിരുന്നു..

“ജാമർ ഉണ്ട് മെറിൻ.. നോ സിഗ്നൽ…”

ലിസ ഫോണിൽ നോക്കി പറഞ്ഞതും എന്തോ ഒന്ന് അവരുടെ മുൻപിലേക്ക് വന്നു..

ഫ്ലാഷ് വെളിച്ചത്തിൽ എന്തോ ഒന്ന് വെട്ടിത്തിളങ്ങി വന്നത് മെറിൻ കണ്ടു എങ്കിലും ഒഴിഞ്ഞു മാറാൻ ആയില്ല..

“ആഹ്ഹ്ഹ്….”

മെറിന്റെ കയ്യിൽ നിന്നും ഫോണും പിസ്റ്റളും താഴേക്ക് വീണു തെറിച്ചു പോയി..

“മെറിൻ…???”

നിലവിളിയോടെ ലിസ ഫ്ലാഷ് അവൾക്ക് നേരെ തിരിച്ചു..

ഒരു കത്തി പിടി വരെ മെറിന്റെ വയറിൽ ആഴ്ന്ന് ഇറങ്ങി നിൽക്കുന്ന കാഴ്ചയാണ് അവൾ കണ്ടത്… അവളുടെ യൂണിഫോമിൽ ചോര വളരെ വേഗം പടരുന്നു..

പതറി നിന്ന ലിസയുടെ നെഞ്ചിന് നേരെയാണ് ഇരുളിൽ നിന്നും അടുത്ത കത്തി പാഞ്ഞു വന്നത്…

മരണം ഉറപ്പിച്ച ലിസ ഷോക്ക് ആയി നിന്നുപോയി.. വളരെ പെട്ടെന്നാണ് മെറിൻ ആ കത്തി പിടിച്ചെടുത്തത്..

ഇരുട്ട് ആയതിനാൽ അവൾക്ക് കത്തിയുടെ പിടിയിൽ അല്ല പിടുത്തം കിട്ടിയത്..
കത്തിയുടെ മൂർച്ചയുള്ള ഭാഗത്തിലാണ്… മെറിൻ അത് പിടിച്ചെടുത്തതും ലിസ പെട്ടെന്ന് തന്നെ എസിപി ലിസ ആയി…

അവൾ പിസ്റ്റൾ പൊക്കി നിലത്തേക്ക് ഇരുന്നു മൂന്ന് പ്രാവശ്യം ഷൂട്ട് ചെയ്‌തു.. രണ്ടെണ്ണം മിസ് ആയി.. പക്ഷെ മൂന്നാമത്തേത് ആർക്കോ കൊണ്ടു…

ഒരു അലർച്ചയോടെ ആരോ നിലത്തേക്ക് വീഴുന്ന ശബ്ദം കേട്ടു..
അവൾ തിടുക്കത്തിൽ കയ്യിൽ ഇരുന്ന ഐഫോണിന്റെ ഫ്ലാഷ് ഫുൾ ബീമിൽ ഇട്ടു..

“ഹോൾഡ് ഓൺ…”

അവൾ മെറിനോട് പറഞ്ഞു മുൻപോട്ട് ചെന്നു..

എടുത്തടിച്ചതുപോലെ അവൾ തെറിച്ചു പോകുന്നതാണ് മെറിൻ കണ്ടത്. ഫോൺ എവിടേക്കോ വീണു..