നിയോഗം3 The Fate Of Angels Part X ( മാലാഖയുടെ കാമുകൻ) 2841

അവൾ പറഞ്ഞു നിർത്തിയപ്പോൾ ആരും ഒന്നും മിണ്ടിയില്ല..

“മീനാക്ഷിയെ കിഡ്നാപ് ചെയ്യാൻ നോക്കിയവർ ബാക്കി ഉണ്ടെങ്കിൽ അവളുടെ ശ്രദ്ധ അവരിലേക്ക് ആകും, അതുപോലെ ആ കോളേജിലെ കേസ്.. അവളിലെ ശക്തി അവളെ അവിടെ എത്തിച്ചിരുന്നു.. പക്ഷെ അവൾ വരുന്നതിലും മുൻപേ ഞങ്ങൾ അത് ചെയ്തു….”

അത് കേട്ടപ്പോൾ ലിസ മെറിനെ നോക്കി.. അത് മെറിൻ ആയിരുന്നു എന്നാണു അവൾ വിചാരിച്ചിരുന്നത്..

“ഞാൻ അതിനിടയിൽ ട്രിപ്പിൾ 6 ടീമിന്റെ പുറകെകൂടെ ഉണ്ടായിരുന്നു.. കാരണം അവരിൽ ചിലർക്ക് നിങ്ങൾ ഇപ്പോഴും ശത്രു ആണ്.. പക്ഷെ എനിക്ക് സമയം ആയി.. എന്റെ ഗ്രഹത്തിൽ ഉടനെ എത്തണം..”

അവൾ എഴുന്നേറ്റ് ഡോറിന് നേരെ നടന്നു..

“എല്ലാവർക്കും നന്ദി.. റോഷന്റെ ഒപ്പം എന്നും നിന്നവർ ആണ് നിങ്ങൾ.. ഞങ്ങൾ ഈ ഗ്രഹം വിടുന്നു.. മെറിൻ.. നിന്നെ തേടി ഒരാൾ ഉടനെ എത്തും.. ഇനി ബാക്കി നിന്റെ കയ്യിൽ ആണ്…സൂക്ഷിക്കണം.. നമ്മൾ ഇനി കാണില്ല…”

അവൾ അത് പറഞ്ഞ ഉടനെ ഡോർ തുറന്നു ഹെൽമെറ്റ് ധരിച്ചു പുറത്തേക്ക് പോയി..

എല്ലാവരും ഒരു നിമിഷം മിണ്ടാതെ ഇരുന്നു..

“മെറിൻ.. അന്ന് വന്നവർ ഇവർ തന്നെ അല്ലെ??? അപ്പോൾ നിന്നെപ്പോലെ ഒരാൾ എങ്ങനെ ഇവിടെ എത്തി?”

ലിസ ചോദിച്ചപ്പോൾ മെറിൻ ചായ ഒന്ന് മോത്തി..

“അന്ന് ഞാൻ പുറകെ പോയി.. ഇവർ മൂന്ന് പേരും എന്നെ ട്രാപ് ചെയ്തു എന്നാണ് വിചാരിച്ചത്.. പക്ഷെ ആദ്യം അവൾ എനിക്ക് അവളുടെ മുഖം കാണിച്ചു തന്നു.. അതിന് ശേഷം കാണിച്ചു തന്നത് ഭൂമിയിലേക്ക് വന്ന ആ ശക്തികളെ ആണ്.. അതിൽ ഒരെണ്ണം ഈ ഫ്ലാറ്റിലേക്ക് കയറി വന്നത് അവർ എനിക്ക് കാണിച്ചു തന്നു.. ആ കറുത്ത രൂപങ്ങൾ ഡാർക്ക് വേർഡ് നിന്നും വന്നതാണ്.. മീനാക്ഷിയെ നമ്മളെ ആരെയെങ്കിലും ഉപയോഗിച്ചു പിടിക്കാൻ ആയിരുന്നു അവരുടെ ശ്രമം.. അവളുടെ ശക്തി കൊണ്ട് അവർക്ക് നേട്ടങ്ങൾ ഉണ്ടാകും.. പിന്നെ അവരുടെ ഉന്നം ജൂൺ ആയിരുന്നു.. എന്റെ വേഷത്തിൽ പോയ ആൾ ആദ്യം ജൂണിനെ കൊല്ലാൻ ആണ് പ്ലാൻ ചെയ്തിരുന്നതും.. അതിന് ശേഷം നമ്മളെ.. അപ്പോഴേക്കും നിയന്ത്രണം പോകുന്ന മീനുട്ടിയെ അവർക്ക് പിടിക്കാൻ ആകുമായിരുന്നു.. “