നിയോഗം3 The Fate Of Angels Part X ( മാലാഖയുടെ കാമുകൻ) 2841

“വരൂ..”

അവൾ അവന്റെ കൈ പിടിച്ചു മുകളിലേക് പടവുകൾ കയറ്റി..

“ഈ ധീരനെ ഇവിടെ കിംഗ് ആയി വാഴിക്കുന്നതിൽ ആർക്കെങ്കിലും എതിർപ്പുണ്ടോ..?”

അവൾ ഉറക്കെ ചോദിച്ചത് കേട്ട് റോഷൻ ഞെട്ടി..

“പൂർണ സമ്മതം….!”

ഏയ്ഞ്ചൽസ് ഒരുമിച്ചു വിളിച്ചു പറഞ്ഞു… ഉടനെ അവൾ അവന്റെ കൈ പിടിച്ചു..

“സിംഹാസനത്തിൽ ഇരിക്കൂ റോഷൻ.. ബി എ കിംഗ്… കിംഗ് ഓഫ് ഏയ്ഞ്ചൽസ്.. “

അവൾ അവനോടു പറഞ്ഞു.. അവൻ പുഞ്ചിരിച്ചു.. പക്ഷെ അവളുടെ കയ്യിൽ തിരിച്ചു പിടിച്ച അവൻ അവളെ പിടിച്ചു ആ സിംഹാസനത്തിൽ ഇരുത്തിയപ്പോൾ ഞെട്ടിയത് ഏയ്ഞ്ചൽസ് ആണ്..

“നീ എന്താണ് ഈ കാണിച്ചത്.. ?”

അവൾ ചാടി എഴുന്നേറ്റ് അവളോട് ചോദിച്ചു…

“ഞാൻ സ്ഥാനങ്ങൾ ആഗ്രഹിക്കുന്നില്ല.. ക്വീൻ ആണ് ഇവിടേം ഭരിക്കേണ്ടത്.. ഞാൻ അല്ല..
പിന്നെ ഞാൻ മാത്രം അല്ല.. എന്റെ നിയോഗം നടത്താൻ നിങ്ങൾ എല്ലാവർക്കും പങ്ക് ഉണ്ടായിരുന്നു.. അതുപോലെ മറ്റു പലരും ഒരുമിച്ചു നിന്നതു കൊണ്ട് മാത്രം അല്ലെ വിജയം കൈവരിച്ചത്.. എന്നെ സ്നേഹിച്ചാൽ മതി.. സ്ഥാനം വേണ്ട…ഞാൻ ഇപ്പോൾ ജീവിക്കുന്നത് തന്നെ നിങ്ങൾ കാരണം അല്ലെ…”

അവൻ പുഞ്ചിരിയോടെ പറഞ്ഞപ്പോൾ റെഡ് എയ്ഞ്ചൽ ചിരിച്ചു..

“ഡിസംബറും സ്കാർലെറ്റും പറഞ്ഞിരുന്നു നീ ഇതാണ് പറയുക എന്ന്.. ഇതാണ് റോഷൻ എന്നും.. ഇനി പറയു നിനക്ക് എന്താണ് വേണ്ടത്…? നിനക്ക് ഞങ്ങൾ എന്തും തരും…”

“എന്നെ നിങ്ങളുടെ ഒക്കെ കൂട്ടത്തിൽ കൂട്ടിയാൽ മതി..”

അവൻ പറഞ്ഞു.. ഉടനെ അവൾ അവന്റെ കൈപിടിച്ച് മുൻപോട്ട് നിർത്തി..