നിയോഗം3 The Fate Of Angels Part X ( മാലാഖയുടെ കാമുകൻ) 2840

അവൾ ഇടനാഴിയിൽ നിന്ന് നോക്കി.. അവൾ നോക്കുന്നത് മനസിലായ ലിസ ഉടനെ നിലത്തു കിടന്ന കാർപെറ്റ് വലിച്ചുമാറ്റി.. അവരുടെ കണ്ണുകൾ തിളങ്ങി.. ചതുരത്തിൽ ഒരു ഡോർ പോലെ അടിയിൽ..

അനാബെൽ മെഷീൻ ഗൺ ചൂണ്ടി നിന്നപ്പോൾ ലിസ അത് വലിച്ചു തുറന്നു.. താഴേക്ക് കോവണി.. ഗണ്ണിൽ നിന്നും ഉള്ള ഫ്ലാഷ് ലൈറ്റ് വെളിച്ചത്തിൽ താഴെ ക്ലിയർ ആണെന്ന് ഉറപ്പ് വരുത്തി ലിസയും അനാബെലും ഇറങ്ങി…

അവിടെ രണ്ടു കൊച്ചു മുറികൾ ഉണ്ടായിരുന്നു.. അതിൽ ഒന്നിൽ കെട്ടിയിട്ട നിലയിൽ മേയർ ക്ലിയോപാട്ര.. അവളുടെ ദേഹത്ത് നിറയെ മുറിവുകൾ..

ലിസ വേഗം അവളുടെ കെട്ടുകൾ അഴിച്ചു..

മുകളിൽ മെറിൻ വയർ പൊത്തി ഭിത്തിയിൽ ചാരി നിന്നു… എവിടെയാണ് തനിക്ക് പിഴച്ചത്.. മൈൻഡ് ഇപ്പോഴും വണ്ടർ വേർഡിൽ ആണ്..

ചോര പോകുന്നത് അവൾ അറിഞ്ഞു തുടങ്ങിയിരുന്നു.. രണ്ടു കുത്താണ്‌ കിട്ടിയത്.. അവൾ ബെൽറ്റ് ഊരി വയറിൽ കെട്ടിയ തുണിയുടെ മുകളിൽ കൂടെ കെട്ടി… നല്ല വേദന..

പെട്ടെന്നാണ് മിന്നൽ പോലെ എന്തോ പാഞ്ഞു വന്നത്.. മെറിൻ അതിലും വേഗത്തിൽ തല വെട്ടിച്ചു.. പുറകോട്ട് നോക്കി..

ഭിത്തിയിൽ ഇറങ്ങി നിൽക്കുന്ന ഒരു കത്തി.. അത് നിന്ന് വിറക്കുന്നു..

അവൾ ഞെട്ടി മുൻപോട്ട് നോക്കി.. ഇടനാഴിയുടെ അപ്പുറം കൈകളിൽ ഒരു കത്തിയും ആയി ചുവന്ന മുടിയുള്ള ഒരു പെണ്ണ്.. അവളെ മെറിന് ഓർമ വന്നു.. കുറെ നാളുകൾക്ക് മുൻപേ വഴി തടഞ്ഞു വില പേശിയവൾ.. അവളുടെ പേര് മെറിൻ മറന്നിരുന്നു..

“സമ്മതിച്ചു നിന്നെ.. എന്റെ കത്തി കൊണ്ടിട്ടും നീ ഇപ്പോഴും ജോലി നോക്കുന്നു.. ഇല്ല മെറിൻ.. നിന്നെപ്പോലെ ഇത്ര ലോയൽ ആയ ഒരുത്തിയെ അവർക്ക് വേണ്ട… “

അവൾ കുതിച്ചു വന്നു തുറന്നു കിടന്ന അടിയിലേക്കുള്ള ഡോർ ചവുട്ടി അടച്ചു കാലുകൊണ്ട് തന്നെ ലോക്ക് ഇട്ടു..