നിയോഗം3 The Fate Of Angels Part X ( മാലാഖയുടെ കാമുകൻ) 2841

വിശക്കുന്നവർക്ക് സ്വന്തം ജീവൻ പോകുമെന്ന് അറിഞ്ഞിട്ടും ആഹാരം തന്ന നിന്റെ യോഗ്യത പരിധികൾക്കും അപ്പുറമാണ്.. നിന്റെ വരവ് കാത്തിരുന്നവർ ആണ് ഞങ്ങൾ.. “

റെഡ് എയ്ഞ്ചൽ പറഞ്ഞു കഴിഞ്ഞപ്പോൾ അവൾ കരഞ്ഞു കൊണ്ടാണ് അതിനോട് പ്രതികരിച്ചത്..

അപ്പോഴാണ് റോഷനും കാര്യങ്ങൾ മനസിലായത്.. എയ്‌ഞ്ചസിനെ എങ്ങനെ പിടിച്ചു എന്ന് അവൻ ആലോചിക്കാതെ ഇരുന്നില്ല.. അവരെ പിടിച്ചു പകരം ഏതോ ഗ്രഹത്തിലെ ആളുകളുടെ ശരീരം കത്തിച്ചായിരിക്കും അവർ ലോകത്തിന് മുഴുവൻ ഏയ്ഞ്ചൽസ് മരണപെട്ടു എന്ന് കാണിച്ചു കൊടുത്തത്..

എല്ലാവരും ഉടനെ തന്നെ സാധാരണ അവസ്ഥയിലേക്ക് എത്തി..

ഉടനെ തന്നെ അവർ അവിടം മുഴുവൻ ആഹാരസാധനങ്ങൾ കൊണ്ട് നിറച്ചു.. എല്ലാവരും ഒരുമിച്ചു ഇരുന്നു ഭക്ഷണം കഴിച്ചു..

പല എയ്‌ഞ്ചൽസും വല്ലാതെ കരയുന്നുണ്ടായിരുന്നു.. അവരുടെ സ്വന്തഭവനത്തിൽ വന്നുള്ള ഭക്ഷണം അവരുടെ സ്വപ്നത്തിൽ പോലും ഇല്ലായിരുന്നു..

റോഷനെ ഇരുവശങ്ങളിലും ഇരുന്നു സ്കാർലെറ്റും ഡിസംബറും ഊട്ടുകയായിരുന്നു.. ഇതുവരെ അവൻ രുചിക്കാത്ത വസ്തുക്കൾ അവൻ ആസ്വദിച്ചു കഴിച്ചു..

അന്ന് രാത്രി…

അവന് കൊടുത്ത കൊച്ചു വീട്ടിൽ ആകാശത്തേക്ക് നോക്കി നിൽക്കുകയായിരുന്നു അവൻ.. പുറകിൽ അനക്കം കേട്ട് തിരിഞ്ഞു നോക്കി..

ചുവന്ന ഗൗൺ ധരിച്ച സ്കാർലെറ്റ്.. അവൾ വന്നു അവനെ പുണർന്നു.. ചുണ്ടിൽ ചുംബിച്ചു.. അവൻ സ്നേഹത്തോടെ അവളുടെ മുടിയിഴകളിൽ തഴുകി…