നിയോഗം3 The Fate Of Angels Part X ( മാലാഖയുടെ കാമുകൻ) 2841

“ഈ നാട് ഇല്ലാതെ ആയാൽ കൃതിരിൻ വർഗം എങ്ങനെ അതിജീവിക്കണം എന്ന് ഒരു പഠനം നടന്നിരുന്നു.. അതിന്റെ ഭാഗമാണ് നീ.. നിനക്ക് കുറെയധികം കഴിവുകൾ ഉണ്ട്.. പക്ഷെ നിന്റെ ശരീരം നൂറു ശതമാനം കൃതിരിൻ തന്നെയാണ്.. അതെങ്ങനെ എന്ന് എനിക്കും അറിയില്ല.. ആ പഠനം നടന്ന ലാബുകൾ എല്ലാം അന്ന് കത്തി നശിച്ചിരുന്നു..”

ക്വീൻ പറഞ്ഞു നിർത്തിയപ്പോൾ ആരും ഒന്നും മിണ്ടിയില്ല.. അതും ഒരു നിയോഗം ആയിരിക്കണം.. ഡിവൈൻ അല്ലാതെ വേറെ ആർക്കും മദർഷിപ് ഡയമണ്ട് ഓർക്കിഡ് വിരിയുന്ന ഗ്രഹങ്ങളിൽ എത്തിക്കാൻ കഴിയില്ലായിരുന്നു..

****

ഒരു മരത്തിന്റെ അടിയിൽ ആയിരുന്നു ട്രിനിറ്റിയും ഡെൽറ്റയും കുട്ടികളും..

പെട്ടെന്നാണ് അല്പം ദൂരെ ഒരു തീഗോളം തെളിഞ്ഞു വന്നത്.. അതിൽ നിന്നും ഇറങ്ങിയത് റോഷൻ ആണ്..കടും നീല വേഷത്തിൽ ഉള്ള തുണികൾ ചുറ്റിയ രൂപം..

“പപ്പാ……..!”

മാവിക്കോ ചാടി എഴുന്നേറ്റ് കുതിച്ചു ചെന്നപ്പോൾ അവൻ അവളെ എടുത്തു പൊക്കി വട്ടം കറക്കി നെഞ്ചോടു ചേർത്ത് ഇറുക്കി…

അവിടെ ഉണ്ടായിരുന്ന മറ്റു കുട്ടികളും ഓടിച്ചെന്നു..

അവൻ ഒരു കാലു മടക്കി നിലത്തിരുന്നു.. വന്ന കുട്ടികളെ ഒക്കെ സന്തോഷത്തോടെ മാറി മാറി ചുംബിക്കുന്നത് നോക്കി ട്രിനിറ്റി സന്തോഷത്തോടെ നിന്നു..

റോഷൻ വന്നത് അറിഞ്ഞു കൃതിരിൻ പെണ്ണുങ്ങൾ അവർ അവന് വേണ്ടി കരുതി വച്ച വസ്തുക്കളും ആയി ഓടി വന്നു ചുറ്റിനും കൂടി.. അതിൽ പലതരം രത്‌നം കൊണ്ട് ഉണ്ടാക്കിയ ആഭരണങ്ങൾ ഒക്കെ ആയിരുന്നു.. അവൻ അതൊക്കെ സന്തോഷത്തോടെ സ്വീകരിച്ചു..

മെയ്‌വൂണിൽ സന്തോഷം ആയിരുന്നു അന്ന്.. ഇനി എന്നും..

****

മേയ്‌വൂൺ ക്വീനിന്റെ മടിയിൽ തലവച്ചു കിടക്കുകയായിരുന്നു റോഷൻ.. അവരുടെ പൂന്തോട്ടത്തിൽ.. വന്ന ഉടനെ അവൻ അമ്മയുടെ അടുത്തേക്ക് ആണ് വന്നത്..
വിക്ടോറിയയെയും ഡിവൈനെയും കണ്ടില്ല.. അവർ അടുത്തുള്ള പ്ലാനെറ്റിൽ പോയിരുന്നു..