നിയോഗം3 The Fate Of Angels Part X ( മാലാഖയുടെ കാമുകൻ) 2841

“അത് ആർക്കും പറയാൻ ആകില്ല.. എന്റെ ഒരു ഭാഗം നിന്റെ ജീവിതത്തിൽ എത്തി.. അത് എത്രയാണ് എന്ന് ആർക്കും പറയാൻ ആകില്ല.. അത് കൊണ്ട് അത് ആലോചിക്കേണ്ട കേട്ടോ..?”

അവൾ സ്നേഹത്തോടെ അവനെ ചേർത്ത് പിടിച്ചു..

“നിന്നെ കാണാൻ ഒരാൾ വന്നിട്ടുണ്ട്…”

റെഡ് എയ്ഞ്ചൽ അത് പറഞ്ഞ ഉടനെ അവരുടെ മുൻപിൽ ഒരു ജ്വലിക്കുന്ന ഗോളം തെളിഞ്ഞു.. അതിൽ നിന്നും തൂവെള്ള വേഷം ധരിച്ച ക്വീൻ ഓഫ് ഓൾ ക്വീൻസ് ഇഗ്ഗിയാത്തിയാന ഇറങ്ങി വന്നു..

അവൻ ചിരിയോടെ അവളെ വരവേറ്റു.. തല കുനിച്ചു വണങ്ങി.. അവൾ സ്നേഹപൂർവ്വം അവളെ തടഞ്ഞ ശേഷം അവന്റെ വലത്തേ കൈ പിടിച്ചു..

അതിന് ശേഷം തീയുടെ നിറമുള്ള ഒരു വള അവന്റെ കയ്യിൽ ഇട്ടുകൊടുത്തു. അത് റോസ് കൊടുത്ത വളയോട് ചേർന്ന് ഒരു പ്രേതെക രീതിയിൽ അവന്റെ കയ്യിൽ ഉറച്ചു..

“ഇതെന്റെ ഒരു സമ്മാനം.. ഇനി നിനക്ക് ഏതു ഗ്രഹത്തിൽ പോകാനും സ്പേസ് ഷിപ് വേണ്ട.. ഇതിൽ പോകേണ്ട സ്ഥലം വിചാരിച്ചാൽ നീ അവിടെ എത്തും.. വരുന്ന തീഗോളത്തിൽ കയറിയാൽ നീ അവിടെയെത്തും… ഹാപ്പി..?”

അവൾ ചിരിയോടെ അവനോടു ചോദിച്ചു…

“സൊ ഹാപ്പി.. മില്ല….”

അവൻ സന്തോഷത്തോടെ മറുപടി കൊടുത്തു..

****

Ottappalam, Palakkad

“വാണിയംകുളം ചന്തയിൽ കയറി പോയാലോ…?”

ലിസ ചിരിയോടെ ചോദിച്ചപ്പോൾ മെറിനും ചിരിച്ചു.. ഒറ്റപ്പാലം കഴിഞ്ഞു വണ്ടി മുൻപോട്ട് കുതിക്കുകയായിരുന്നു..

“ചന്ത വ്യാഴം അല്ലെ? എല്ലാ ദിവസവും ഇല്ല എന്നാണ് അറിവ്…”

അവൾ മറുപടി പറഞ്ഞപ്പോൾ ലിസ വന്ന കാൾ നോക്കി..

“ഇന്ദു ആണല്ലോ..”