നിയോഗം3 The Fate Of Angels Part X ( മാലാഖയുടെ കാമുകൻ) 2841

അൽപ നേരം കൂടെ കഴിഞ്ഞു അവനൊന്നു ചെരിഞ്ഞു കിടന്നു.. മെല്ലെ കണ്ണ് തുറന്നു.. കിടക്കുന്ന പ്രതലം വല്ലാത്തൊരു ചൂടുള്ള പതുപതുത്ത ബെഡ് പോലെ.. അവൻ ഒന്ന് തൊട്ടു നോക്കി..
തൂവലുകൾ… അവൻ അതിശയത്തോടെ ഒന്ന് തല പൊക്കി നോക്കി..

അവൻ കിടക്കുന്നത് ഒരു വലിയ കറുത്ത തൂവലുകൾ ഉള്ള ചിറകിൽ ആണ്.. അവൻ പുറകോട്ട് തിരിഞ്ഞു.. അവനെ നോക്കി കിടക്കുന്ന സ്കാർലെറ്റ്…

അവളുടെ നിവർത്തി വച്ച ഒരു ചിറകിൽ ആണ് അവൻ കിടന്നിരുന്നത്..

“അപ്പോൾ ചിറകിൽ കിടത്തും എന്ന് പറഞ്ഞത് വെറുതെയല്ല…”

അവൻ ചിരിയോടെ അവളെ നോക്കി… അവൾ കണ്ണിറുക്കി കാണിച്ചു..

അതിന് ശേഷം രണ്ടാമത്തെ ചിറകു കൊണ്ട് അവനെ പൊതിഞ്ഞു പിടിച്ചു.. അവളുടെ ശരീരത്തിലെ ചൂടിനോട് അവൻ ചേർന്ന് കിടന്നു.. അവളുടെ നെഞ്ചിന്റെ ഇടിപ്പുകൾ കേട്ടുകൊണ്ട്…

വീണ്ടും മയക്കത്തിലേക്ക്.. അവൾ അവന്റെ തലമുടിയിൽ വിരലുകൾ ഇട്ടു മെല്ലെ ഓടിച്ചുകൊണ്ടിരുന്നു.. ഒരു പുഞ്ചിരിയോടെ..

***

Shobha Apartment, B24

രാവിലെ പത്തു മണി ആയിട്ടും നല്ലൊരു ഉറക്കത്തിൽ ആയിരുന്നു മെറിൻ.. ഒരു ഫോൺ കാൾ അവളെ ഉണർത്തി.

ഡിജിപി അറുമുഖം ആയിരുന്നു ഫോണിൽ… അവൾ ഫോൺ എടുത്തു ചെവിയിൽ വച്ചു.

“സർ.. എന്താണ് സസ്‌പെൻഷൻ ആണോ അതോ ഡിസ്മിസ്സൽ ആണോ?”

മെറിൻ അയാളെ കളിയാക്കുന്ന രീതിയിൽ ചോദിച്ചു..

“രണ്ടും അല്ല.. ഗെറ്റ് ബാക് റ്റു വർക്ക്….”

അയാൾ ഉടനെ പറഞ്ഞു…

“ങേ? സർ അല്ലെ പറഞ്ഞത് എന്റെ ഇഷ്ടങ്ങൾ ഒന്നും നടക്കില്ല ഇതിന് ശിക്ഷ കിട്ടും എന്നൊക്കെ? ആൻഡ് വാട്ട് ഹാപ്പെൻഡ്..?”

അവൾ അല്പം നീരസത്തോടെ ചോദിച്ചു..