നിയോഗം3 The Fate Of Angels Part X ( മാലാഖയുടെ കാമുകൻ) 2840

മിന്നൽ കൊണ്ട് കരിഞ്ഞു വീണ ക്വീൻ അർമേഡായെ ഞെട്ടലോടെ ആണ് അവിടെ ഉണ്ടായിരുന്നവർ നോക്കിയത്..

ഓർക്കിഡിനെ അവർ പേടിയോടെ നോക്കി.. അവൾ ഉടനെ ശാന്തയായി..

അർമേഡയുടെ സഹോദരി അവിടെ നിന്നിരുന്നു.. ഓർക്കിഡ് അവളുടെ അടുത്തേക്ക് ചെന്നു… അവൾ കണ്ണടച്ച് പിടിച്ചിരിക്കുകയായിരുന്നു..

“നിന്റെ സഹോദരി.. അവൾ കാരണം നഷ്ടമാകേണ്ടി ഇരുന്നത് പതിനായിരക്കണക്കിന് ജീവനുകൾ ആണ്.. കൂടാതെ മറ്റു ഗ്രഹങ്ങളിലെ ജീവനുകളും.. അവൾക്ക് മരണം അല്ലാതെ വേറെ ശിക്ഷ ഇല്ല…”

ഓർക്കിഡ് അവളോട് പറഞ്ഞു..

“അറിയാം. ഞങ്ങൾക്ക് അറിവില്ല.. ഞങ്ങളെ ശിക്ഷിക്കരുത്.. “

അവൾ പേടിയോടെ പറഞ്ഞു..

“ഇല്ല… അവൾ ഇനി ഇല്ല.. പകരം നീ ഇവിടം ഭരിക്കണം…”

“ഞാൻ.. എനിക്ക്..?”

“പറ്റണം എൽമേഡാ… “

ഓർക്കിഡ് അത് പറഞ്ഞു തിരിഞ്ഞു..

“സമയം നോക്കി അർമേഡായുടെ സഹോദരി എൽമേഡയെ ക്വീൻ ആയി വാഴിക്കുക… നല്ലത് വരട്ടെ…ഇതൊരു പാഠം ആക്കുക…”

അത് പറഞ്ഞ ഉടനെ അവൾ ഇറങ്ങി നടന്നു പോയി പുറത്തേക്ക്.. എല്ലാവരും പ്രതീക്ഷയോടെ എൽമേഡയെ നോക്കി…

അവൾ നല്ലൊരു ക്വീൻ ആകുമെന്ന് അവർക്ക് പ്രതീക്ഷ ഉണ്ടായിരുന്നു..

***

Kochi, Commissioner’s Office

“ഒരു ചേഞ്ച് വേണം എന്ന് തോന്നിയത് കൊണ്ടാണ് ഞങ്ങൾ വിട്ടു നിന്നത്.. ഞാൻ ഡിജിപി സർനെ അറിയിച്ചിരുന്നു.. ഇല്ലേ സർ!?”

അനേകം ന്യൂസ് ചാനലുകളുടെ ക്യാമറക്ക് മുൻപിൽ ആയിരുന്നു മെറിനും ലിസയും..

“യെസ്.. ബട്ട്.. അതൊരു കിഡ്നാപ്പിംഗ് ആണോ എന്ന് സംശയിച്ചിരുന്നു. സൊ.. കേസ് ക്ലോസ്ഡ്… എല്ലാവരും പൊയ്ക്കോളൂ..”