നിയോഗം3 The Fate Of Angels Part X ( മാലാഖയുടെ കാമുകൻ) 2841

അവൾ ഫോൺ ചെവിയിൽ വച്ചു.. കാര്യങ്ങൾ കേട്ട ശേഷം അവൾ സന്തോഷത്തോടെ മെറിനെ നോക്കി..

“യു ആർ റൈറ്റ് മെറിൻ.. വാണിയംകുളം പാസ് ചെയ്തു ഒരു കറുത്ത ഔട്‍ലാൻഡർ വണ്ടിയും ഒരു പോർഷെ പനാമേരായും പോയിട്ടുണ്ട്.. Cctv ഫുറ്റേജ് ആണ്..

കൂടാതെ കൊച്ചിയിൽ വച്ച് കറുത്ത ഫോർച്ചുണർ മേയറുടെ വണ്ടിയുടെ പുറകെ പോകുന്ന cctv ഫൂട്ടേജും ഉണ്ട്.. അവർ വണ്ടി മാറ്റിയതാണ്…”

അവൾ ആവേശത്തോടെ പറഞ്ഞു..

“യെസ് ലിസ.. വാണിയംകുളം മിഷൻ കോംബൗണ്ട് മുകളിൽ ഒരു ക്വാറി ഉണ്ട്.. അതിന്റെ അടുത്ത് ഒരു ആംഗ്ലിക്കൻ ചർച്ചും പണ്ട് ബ്രിറ്റിഷുകാർ ഉണ്ടാക്കിയ ഒരു ബംഗ്ലാവും.. അതിൽ പ്രേതബാധ ഉണ്ട് എന്നാണ് പറച്ചിൽ.. സൊ അധികം ആളുകൾ അവിടെ പോകില്ല.. മിക്കവാറും അവിടെ തന്നെ ഉണ്ടാകണം അവർ…”

അവൾ പറഞ്ഞു.. വണ്ടി മിന്നൽ പോലെ പാഞ്ഞു… വാണിയംകുളം ടൗണിൽ എത്തി.. അവിടെ നിന്നും ടൌൺ കടന്നു മുൻപിലേക്ക്..

മുൻപിലേക്ക് കുറച്ചു ദൂരം പോയ വണ്ടി വലത്തേക്ക് തിരിച്ചു മെറിൻ.. അവിടെ മണ്ണിട്ട വഴിയിലൂടെ കുറച്ചു പോയ ശേഷം മുകളിലേക്ക് രണ്ടു റോഡ്..

“റൈറ്റ് സൈഡ് ക്വാറി ആണ്… വണ്ടി ഇവിടെ ഇടാം.. “

അവൾ ജീപ്പ് തെക്കും തോട്ടത്തിൽ കയറ്റി ഇട്ടു ഒരു കമോഫ്ലാഗ് ടൈപ്പ് കവർ കൊണ്ട് മൂടി.. ഇപ്പോൾ ആ വണ്ടി പെട്ടെന്ന് ആരും കാണില്ല..

ആകാശം അകെ ഇരുണ്ടു കിടക്കുന്നു.. സന്ധ്യ ആകുന്നു..

“വല്ലാത്തൊരു സ്ഥലം..”

അതും പറഞ്ഞു ലിസ മെല്ലെ മെറിന്റെ ഒപ്പം മുകളിലേക്ക് നടന്നു.. അല്പം താഴെ കുറച്ചു വീടുകൾ ഉണ്ടായിരുന്നു..

അവർ മെല്ലെ നടന്നു ബംഗ്ലാവിന്റെ അടുത്തെത്തി..