നിയോഗം3 The Fate Of Angels Part X ( മാലാഖയുടെ കാമുകൻ) 2841

അനാബെൽ ഗൺ താഴേക്കു ഇട്ടു ഓടി പോയി മെറിനെ പൊക്കി എടുത്തു.. ലിസയും ഒരു ഭാഗം പിടിച്ചു.. വേഗത്തിൽ അവർ അവളെ മുകളിൽ എത്തിച്ചു.. മറ്റുള്ളവർ ആ കാഴ്‌ച കണ്ടു അമ്പരന്നു നിന്നു എങ്കിലും പെട്ടെന്ന് തന്നെ ലിനുവും മറ്റു രണ്ടുപേരും താഴേക്ക് ഓടി..

മെറിനെ സഫാരിയിൽ കയറ്റി കിടത്തി.. അപ്പോഴേക്കും മേയറിനെയും കൊണ്ടുവണ് അതിൽ കയറ്റി.. ഉടനെ ഒരു ഇന്നോവയും വന്നു.. കുത്തു കൊണ്ട് കിടന്നവളെയും അതിലേക്ക് കയറ്റി..

അപ്പോഴാണ് കാട്ടിൽ നിന്നും രണ്ടു ക്വാഡ് ബൈക്കുകൾ ചീറി വന്നത്.. ഒപ്പം രണ്ടോ മൂന്നോ ജീപ്പുകളും..

“സ്‌ക്വാഡ്.. ബാക് ഓഫ്….”

അലറിക്കൊണ്ട് ലിസ സഫാരിയുടെ ഡ്രൈവിംഗ് സീറ്റിൽ കയറി.. എടുത്തു ചാടുന്നത്പോലെ വണ്ടി മുൻപോട്ട് പോയി..
അപ്പോഴേക്കും തോക്കുകൾ ശബ്‌ദിച്ചു.. അതിൽ ചിലത് കൊണ്ട് ഇന്നോവയുടെ ചില്ലുകൾ പൊട്ടി..

ബാക്കിയുള്ളവർ പിടിച്ച ചിലരെ വിട്ടു ഓടി വണ്ടിയിൽ കയറി.. ഇന്നോവയും വേഗത്തിൽ കുതിച്ചു..

സഫാരിയുടെ പുറകെ രണ്ടു ക്വാഡ് ബൈക്കുകൾ ചെന്നിരുന്നു.. ഡോർ തുറന്നു ഒരു കാൽ ഉറപ്പിച്ചു ഒരു കയ്യിൽ വണ്ടിയിൽ തൂങ്ങി ഷൂട്ട് ചെയ്ത അനാബെൽ രണ്ടുപേരെ വെടി വച്ച് നിലത്തിട്ടു..

റോഡിലേക്ക് വണ്ടി കയറിയതോടെ പുറകിൽ വന്ന ക്വാഡ് ബൈക്കും ജീപ്പും കാട്ടിലേക്ക് തന്നെ കയറി.. ഇന്നോവയും പുറകെ വരുന്നുണ്ടായിരുന്നു..

“ഫക്ക്….!! “

തോറ്റു പോയതിന്റെ വിഷമത്തിൽ ലിസ ആക്സിലറേറ്റർ ഞെരിച്ചപ്പോൾ വണ്ടി കുതിച്ചു പാഞ്ഞു.. വാണിയംകുളം കഴിഞ്ഞുള്ള ഒരു മൾട്ടി സ്പെഷ്യലിറ്റി ഹോസ്പിറ്റലിൽ ആണ് അത് നിന്നത്..

പുറകെ ഇന്നോവയും വന്നു..

****

ചോര ഉണങ്ങി പിടിച്ച കൈ നോക്കി കുനിഞ്ഞു ഓപ്പറേഷൻ തിയേറ്ററിന്റെ മുൻപിൽ ഇരിക്കുകയായിരുന്നു ലിസ. തലക്ക് കൈകൊടുത്ത് നിറഞ്ഞ കണ്ണുകളോടെ അനാബെൽ അപ്പുറത്തും… നിസ്സാരം ആക്കി പോയത് അബദ്ധം ആയെന്ന് അവർക്ക് തോന്നി.. അത്രക്കും ബാക്കപ്പ് പ്രതീക്ഷിച്ചതും ഇല്ല..