നിയോഗം3 The Fate Of Angels Part X ( മാലാഖയുടെ കാമുകൻ) 2854

“ഇതെന്തു സ്ഥലം ആണ്.. കണ്ടാൽ തന്നെ എന്തോപോലെ..”

ഇരുളിൽ കുളിച്ചു നിക്കുന്ന ആ ബംഗ്ലാവ് കണ്ടപ്പോൾ ലിസ വീണ്ടും മെറിനോട് പറഞ്ഞു.. മെറിൻ മിണ്ടാതെ പുറകു വശത്തേക്കു നടന്നു..

പിസ്റ്റൾ കയ്യിൽ എടുത്തു അവർ പുറകു വശത്തെ തുറന്നു കിടന്ന വാതിൽ വഴി അകത്തേക്ക് കയറി.. ഫോൺ എടുത്തു ഫ്ലാഷ് തെളിച്ചു.. മൊത്തം ഇരുട്ടാണ്.

വലിയ വലിയ റൂമുകൾ.. എന്നാൽ ഒന്നിലും ഒരു അനക്കവും ഇല്ല ആളും ഇല്ല.. നാല് ഭാഗത്തുമുള്ള വരാന്ത അവർ നടന്നു നോക്കി..

“ആരും ഇല്ലല്ലോ.. നമുക്ക് പിഴച്ചു ലിസ..”

മെറിൻ നിരാശയോടെ പറഞ്ഞു.. ലിസയും ചുറ്റിനും നോക്കി. വല്ലാത്തൊരു ഭീകര അന്തരീക്ഷം.. ഇരുട്ടിൽ നിന്നും ആരോ തുറിച്ചു നോക്കും പോലെ തോന്നി അവർക്ക്..

“ഇതെന്താണ്..?”

ലിസ നിലത്തു പതിച്ച ടൈലുകളിൽ ഒരെണ്ണം കാണിച്ചു.. അതൊരു കോണിൽ ആണ്.. പക്ഷെ അതിൽ ഒരു നക്ഷത്ര ചിഹ്നം.. മെറിൻ നിലത്തേക്ക് ഇരുന്നു നോക്കി.. അവൾ അതൊന്നു അമർത്തിയപ്പോൾ അത് അടിയിലേക്ക് അല്പം അമർന്നു..

ഉടനെ എവിടെയോ ഒരു ഗാരേജ് ഷട്ടർ തുറക്കുന്ന ശബ്ദം കേട്ട് രണ്ടുപേരും ചാടി എഴുന്നേറ്റ് നോക്കി….

താഴെ പള്ളിയുടെ ഭാഗത്താണ്.. അവിടെ നിന്ന് നോക്കിയാൽ പള്ളി കാണാം..

“ഇതൊരു ബെൽ ആണോ അതോ ഷട്ടറിന്റെ സ്വിച്ച് ആണോ..? “

ലിസ സംശയത്തോടെ നോക്കി..

“ലെറ്റസ് ഗോ ഫൈൻഡ് ഔട്ട്..”

മെറിൻ പതുങ്ങി മെല്ലെ താഴേക്ക് ചെന്നു.. അമ്പത് അടിയോളം താഴേക്ക് പോയപ്പോൾ പഴയ പള്ളി കണ്ടു.. അവർ മെല്ലെ അവിടേക്ക് ചെന്നു..

പുറകിൽ അവിടെ ഉള്ള ഒരു ഗാരേജ് തുറന്നു കിടക്കുന്നു.. ഉള്ളിൽ വെളുത്ത നിറമുള്ള ഒരു കോണ്ടെസാ ഒരു ടയർ ഇല്ലാതെ കിടക്കുന്നുണ്ട്..