നിയോഗം3 The Fate Of Angels Part X ( മാലാഖയുടെ കാമുകൻ) 2851

Planet Of The Angels

“ഞാൻ മരിക്കും എന്ന് എങ്ങനെ അറിഞ്ഞു..? സത്യത്തിൽ എന്താണ് ഇവിടെ നടന്നത്.. ?”

പിറ്റേ ദിവസം ഉണർന്നു റാണിയുടെ അടുത്ത് എത്തിയ റോഷൻ ആകാംഷയോടെ അവളോട് ചോദിച്ചു..

“അതിന് ഉത്തരം എനിക്ക് തരാൻ അറിയില്ല റോഷൻ.. നിന്നെ കണ്ടപ്പോൾ എനിക്ക് നിന്റെ ജീവൻ ഉടനെ പോകും എന്ന് മനസിലായി.. അർഹത ഉണ്ട്.. ഞങ്ങളുടെ വിടുതൽ നിന്റെ കൈകൊണ്ടു ആകുമെന്നും തോന്നി.. പിന്നെ ഗോഡ് വെപ്പൺ ഉള്ളവൻ ആണ് നീയെന്നും അറിഞ്ഞു… “

അവൾ പറഞ്ഞപ്പോൾ റോഷൻ ഒന്നും മിണ്ടിയില്ല..

“എന്റെ പല്ലുകൾ പതിഞ്ഞാൽ എന്റെ ആയുസിന്റെ ഒരു ഭാഗം അവർക്ക് കിട്ടും.. മറ്റൊരു എയ്ഞ്ചലിന്റെ കൈകൊണ്ട് മരണപ്പെട്ടാൽ സോൾ വേൾഡിൽ എത്തും.. ഇത് രണ്ടും ഒരുമിച്ചു വരണം.. കിങ് ആണ് നിന്നെ കൊന്നിരുന്നത് എങ്കിൽ നീ സോൾ വേൾഡിൽ എത്തില്ലായിരുന്നു.. നോ ലൈഫ് വേൾഡിൽ അകപ്പെട്ടു പോയേനെ…

എന്റെ കടിയും പിന്നെ അവൾ നിന്റെ മരണം നടത്തിയത് കൊണ്ടും നീ സോൾ വേൾഡിൽ എത്തി… അവിടെ നിന്നും ഇഷ്ടമുള്ള ഇടത്തേക്ക് പോകാമായിരുന്നു.. ഭൂതകാലത്തിലേക്ക് പോകാൻ മാത്രം സ്പേസ് സ്റ്റോൺ വേണം…”

“എയ്ഞ്ചലിന്റെ ആയുസ് എത്രയാണ്…?”

അവൻ ആകാംഷയോടെ ചോദിച്ചു..

“ഭൂമിയിലെ ഒരു ലക്ഷം വർഷം ഒക്കെയാണ് ഞങ്ങളുടെ ആയുസ്..”

അവൾ ചിരിയോടെ അവനെ നോക്കി.. അവൻ ഞെട്ടലോടെ അവളെ നോക്കി..

“അപ്പോൾ ഞാൻ എത്ര നാൾ ജീവിക്കും ഇനി..?”