നിയോഗം3 The Fate Of Angels Part X ( മാലാഖയുടെ കാമുകൻ) 2851

Planet Of Reptilians

“റോഷൻ…!”

ആകുലതയോടെ വിളിച്ചു ട്രിനിറ്റി ഓടിവന്നു.. അവൻ ഒന്നും സംഭവിക്കാത്തതുപോലെ അവളെ നോക്കി.. അവന് മുറിവുകൾ ഒക്കെ വേദന ഇല്ലാത്തത് പോലെ ആയിരുന്നു..

“വരൂ.. ഉടനെ മെയ്‌വൂണിൽ എത്തണം.. ഈ വിഷം മാരകമാണ്‌..ഉടനെ അത് ശരീരത്തിൽ നിന്നും മാറ്റണം..”

അവൾ അവന്റെ കയ്യിൽ പിടിച്ചു..

“അവനെ ഞാൻ കൊണ്ടുപോകാം… “

ശബ്ദം കേട്ട് അവർ നോക്കി. റെഡ് എയ്ഞ്ചൽ ആണ്.. ക്വീൻ മാലെഫിസെന്റ്. അവൾ ചിറകുകൾ മടക്കി മുൻപോട്ട് വന്നു.. എല്ലാവരും അവളെ നോക്കി.. വല്ലാത്തൊരു ഭംഗി..

“അവനെ തിരിച്ചു തരാം, ട്രിനിറ്റി…”

മാലെഫിസെന്റ് ട്രിനിറ്റിയെ നോക്കി..

“യുവർ ഹൈനെസ്സ്…”

ട്രിനിറ്റി ഉടനെ സമ്മതിച്ചു.. അതിന് ശേഷം അവനെ നോക്കി.. അവൻ ട്രിനിറ്റിയുടെ കവിളിൽ ഒന്ന് തട്ടി..

അവളുടെ കൈകൾ പിടിച്ചു.. കണ്ണ് കൊണ്ട് യാത്ര പറഞ്ഞു അവൻ റെഡ് എയ്ഞ്ചലിനൊപ്പം നടന്നു..

അവൻ പാസ്റ്റിൽ നിന്നും വന്ന വിക്ടോറിയ, ഡിവൈൻ അവരുടെ അടുത്തെത്തി.. അവർ അഭിമാനത്തോടെ നിന്നിരുന്നു.

അവർ എന്തോ പറയാൻ വന്നത് കേൾക്കാതെ അവൻ അവരെ ഇരുവരെയും മുറുക്കെ കെട്ടിപിടിച്ചു… അവർ തിരിച്ചും..

അത് കണ്ടു നിന്ന വർത്തമാന കാലത്തിലെ വിക്ടോറിയ ഡിവൈൻ കണ്ണിൽ കണ്ണിൽ നോക്കി…അവരുടെ ചുണ്ടിലും പുഞ്ചിരി വിടർന്നു..

“നിങ്ങൾ തിരിച്ചു പോകും അല്ലെ? ഞാൻ അവരെ സ്നേഹിച്ചോളാം നിങ്ങളെ സ്നേഹിക്കുന്ന പോലെ…”

അവൻ അവരോടു പറഞ്ഞപ്പോൾ അവർ പുഞ്ചിരിയോടെ അവനെ നോക്കി.. ചിരിയാണ് മുഖത്ത്..

“എനിക്കൊരു കാര്യം….”

വിക്ടോറിയ പറഞ്ഞു വന്നപ്പോൾ അവൻ കൈവിരൽ അവളുടെ ചുണ്ടിൽ വച്ചു..