നിയോഗം3 The Fate Of Angels Part X ( മാലാഖയുടെ കാമുകൻ) 2851

“മെറിൻ.. പുറത്തു ആരോടും പറയാൻ പറ്റാത്ത ഒരു കാര്യം ആണ്.. എനിക്ക് വിശ്വാസം നിങ്ങളിൽ ഉണ്ട്.. ലിസയും മെറിനും ഒന്ന് വരണം…”

അയാളുടെ സ്വരം കേട്ടപ്പോൾ എന്തോ സീരിയസ് ആയ കാര്യമാണ് എന്ന് മെറിന് തോന്നി.

“സർ.. കാര്യം പറയു…”

“മേയർ ക്ലിയോപാട്ര.. അവൾ മിസ്സിംഗ് ആണ്.. “

“വാട്ട്..?”

“അതെ.. മെറിനെ കാണാൻ പോയതാണെന്ന് വീട്ടിലെ ജോലിക്കാരി പറഞ്ഞു.. അവരുടെ കാർ ഇപ്പോൾ ഒരു കാട്ടിൽ കിടക്കുന്നുണ്ട്.. ഒരുപക്ഷെ ജീവനോടെ ഉണ്ടാകാൻ ചാൻസ് ഇല്ല.. ട്രിപ്പിൾ 6 ടീം അവളുടെ പുറകെ ഉണ്ടായിരുന്നോ എന്നൊരു സംശയം എനിക്ക് ഉണ്ട്.. സൊ ഇഫ് യു ക്യാൻ ടു എനിതിങ്.. പ്ലീസ്.., ഈ കാര്യത്തിൽ എനിക്ക് വേറെ ആരെയും വിശ്വാസം ഇല്ല…”

ഫോൺ കട്ട് ആയപ്പോൾ മെറിൻ ആലോചനയിൽ ഇരുന്നു.. അവൾ ഉടനെ ലിസയെ വിളിച്ചു..

***
Planet Of The Angels

കുറെ നേരം കൂടെ കഴിഞ്ഞാണ് റോഷൻ എഴുന്നേറ്റത്.. അത്ര നേരം അവളും കിടന്നിരുന്നു.. അവനെ എന്തോ കുടിപ്പിച്ചതൊക്കെ അവന് ഓർമവന്നു..

“എനിക്ക് ഒന്നും പറ്റിയില്ലേ?”

അവൻ വയർ തപ്പി നോക്കി.. പാടുകൾ ഇല്ല..

“പറ്റണമോ?”

അവൾ അവനെ നോക്കി കുസൃതിയോടെ ചിരിച്ചു.. അവൻ അവളുടെ കവിളുകൾ പിടിച്ചു വലിച്ചു…

“നിന്നെ കാണാൻ കുറെ നേരമായി ഒരാൾ കാത്തിരിക്കുന്നു.. വേഗം വേഷം മാറി വരൂ…”

അവൾ അവനെ എഴുന്നേൽപ്പിച്ചു, അവനെ ഉന്തിതള്ളി ഒരു റൂം പോലെയുള്ള ഭാഗത്തേക്ക് ആക്കി.. അവൻ അവിടെ കണ്ട ജലാശയത്തിൽ കുളിച്ചു.. അവിടെ ഉണ്ടായിരുന്ന വേഷം ധരിച്ചു..