നിയോഗം3 The Fate Of Angels Part X ( മാലാഖയുടെ കാമുകൻ) 2851

മെറിൻ പറഞ്ഞു നിർത്തിയപ്പോൾ ആരും ഒന്നും മിണ്ടിയില്ല..

“അതൊക്കെ കഴിഞ്ഞു.. ഇനി നമ്മുടെ ചെക്കൻ തിരിച്ചു വരട്ടെ… അല്ലെ…”

അവൾ അത് പറഞ്ഞപ്പോൾ എല്ലാവരും പുഞ്ചിരിച്ചു..

***

Planet Meyvoon

“അമ്മേ…”

മാവിക്കോ വിളിച്ചപ്പോൾ ട്രിനിറ്റി തിരിഞ്ഞു നോക്കി.. അവളോടി വന്നു ട്രിനിറ്റിയെ കെട്ടിപിടിച്ചു.. സ്നേഹത്തോടെ ചുംബിച്ചു…

ട്രിനിറ്റി അവളെ അഭിമാനത്തോടെ ചേർത്ത് പിടിച്ചു..

“നീ രക്ഷിച്ചത് ഈ ലോകത്തിനെ ആണ്.. നിന്റെ പപ്പയെപ്പോലെ ശക്ത ആണ് നീ.. എന്റെ പൊന്നുമോൾ.. മെയ്‌വൂണിന്റെ അഭിമാനം…”

ട്രിനിറ്റി മുട്ടുകുത്തി ഇരുന്നു അവളുടെ കവിളിൽ ചുംബിച്ചു..
അവൾ അതൊന്നും കേട്ട് സന്തോഷിച്ചില്ല..

“എന്താ മോളെ?”

“പപ്പ.. പപ്പാ എവിടെ അമ്മേ.. എനിക്ക് കാണണം…”

റെപ്റ്റില്ല്യൻസിനെ കൊന്ന, റെപ്റ്റില്ല്യൻ കിങ്ങിനെ വരെ വിറപ്പിച്ച മാവിക്കോ അല്ലായിരുന്നു അത്. അവളുടെ പിതാവിനെ കാണണം എന്ന് ആഗ്രഹിക്കുന്ന ഒരു കൊച്ചു കുട്ടി…

“വരും മോളെ.. മോളെ കാണാതെ എങ്ങനെ ആണ് പപ്പക്ക് ഇരിക്കാൻ കഴിയുക? ഉടനെ വരും.. “

ട്രിനിറ്റി അവളുടെ നെറ്റിയിൽ ചുംബിച്ചുകൊണ്ട് അത് പറഞ്ഞപ്പോൾ അവൾ പ്രതീക്ഷയോടെ നോക്കി.. അപ്പോഴാണ് അവളുടെ മുഖം തെളിഞ്ഞതും.. അവളുടെ മനസ്സിൽ എന്തോ ഒന്ന് ഉണ്ടെന്ന് ട്രിനിറ്റിക്ക് മനസിലായി..

***

Planet of the Angels

ഏതോ സ്വപ്നത്തിൽ ആയിരുന്നു റോഷൻ.. ആരോ അവനെ ചേർത്ത് പിടിച്ചു കിടക്കുന്നു.. ഇളം ചൂട്.. അവൻ പുഞ്ചിരിയോടെ അതിനെ ദേഹത്തേക്ക് വലിച്ചു…