നിയോഗം3 The Fate Of Angels Part X ( മാലാഖയുടെ കാമുകൻ) 2851

അവൾ മെറിനെ വിഷ് ചെയ്ത ശേഷം ഒരു സെറ്റിയിൽ ഇരുന്നു.. അവളുടെ തലയിൽ കറുത്ത ഹെൽമെറ്റ് ഉണ്ടായിരുന്നു..

“നീ.. ഇതാരാണ് മെറിൻ..? അന്ന് നീ ഇവരുടെ കൂടെ അല്ലെ വന്നത്?”

ആകാംഷയോടെ ലിസ മെറിനെ നോക്കി..

“അതെ ലിസ.. ഇവർ വന്നത് മീനാക്ഷി ചെയ്യേണ്ട ചില കാര്യങ്ങൾ ഉണ്ടായിരുന്നു. അതിൽ നിന്നും അവളുടെ ശ്രദ്ധ പോകാതിരിക്കാനും, അവളെ മറ്റു ശക്തികൾ അപായപ്പെടുത്താതിരിക്കാനും ആണ്…”

മെറിൻ പുഞ്ചിരിയോടെ പറഞ്ഞപ്പോൾ മീനു അടക്കം അതിശയത്തോടെ നിന്നു..

അവൾ മെല്ലെ ഹെൽമെറ്റ് ഊരിമാറ്റി..

“ഓ മൈ….!”

ലിസ പുറകോട്ട് മാറി… അർച്ചനയും മീനുവും ഞെട്ടി.. മെറിൻ നേരത്തെ കണ്ടത് കൊണ്ട് ആകണം.. പുഞ്ചിരിയോടെ ഇരുന്നു..

പെണ്ണിന്റെ മുഖം അല്ല.. പുലിയോട് സാദൃശ്യം ഉള്ള മുഖം.. നീണ്ട ചെവികൾ.. വെട്ടിത്തിളങ്ങുന്ന പച്ച കണ്ണുകൾ.. പുറത്തെക്ക് നിൽക്കുന്ന ദംഷ്ട്രകൾ…

അവൾ കയ്യിൽ കറുത്ത ഗ്ലൗസ് അഴിച്ചു.. പുലിനഖം പോലെയുള്ള നഖങ്ങൾ ഉള്ള കൈകൾ..

അവൾ പേടിയോടെ നിൽക്കുന്ന എല്ലാവരെയും നോക്കി.. മെല്ലെ ചിരിച്ചു..

ചിരിക്ക് ഒരു പ്രേതെക ഭംഗി ഉണ്ടായിരുന്നു..

“ഞാൻ എലാമോർ.. റെപ്റ്റില്ല്യൻസിന്റെ അടുത്ത ലക്‌ഷ്യം ഞങ്ങളുടെ ഗ്രഹം ആയിരുന്നു.. ഞങ്ങളുടെ കുട്ടികൾ.. ജൂൺ പറഞ്ഞത് അനുസരിച്ചാണ് ഞങ്ങൾ കുറച്ചുപേർ ഭൂമിയിൽ എത്തിയത്..

മീനാക്ഷിയുടെ പങ്ക് ഇതിൽ ഏറ്റവും പ്രാധാന്യം ആയിരുന്നു.. അവളുടെ ശക്തി അറിഞ്ഞു പുറംലോകത്തു നിന്നും വന്ന കറുത്ത ശക്തികളെ നേരിടാൻ ആണ് ഞങ്ങൾ വന്നത്.. അല്ലെങ്കിൽ മീനാക്ഷിയെ അവരുടെ പുറകെ കൊണ്ടുപോയേനെ അവർ.. അതോടെ റോഷന്റെ എന്നല്ല ഈ ലോകത്തിന്റെ തന്നെ നിയോഗം മാറിയേനെ.. “